اسلام آباد ۔ 5 دسمبر (اے پی پی) صدر مملکت ڈاکٹر عارف علوی ءَ گوشت کہ فاٹا ءُُ ایندگر قبائلی دمگ آنی چاگردی ءُُ اقتصادی دیمروئی استیں حکومت ءِ اولی کار آنی تہءَ ھوار اَنت۔ آئی ءَ اے گپ قومی اسمبلی ءِ باسک سیف الرحمان ءِ سروکی ءَ ڈل ءَ گوں تران کنان ءَ کت ۔ گورنر سندھ عمران اسماعلیل ھم اے موہ ءِ سر ءَ ساڑی اَت۔ صدر ءَ اے گپ ءِ سر ءَ زور پر دات کہ قبائلی دمگ آناں گوں وت ھمگام کنگ ءِ واستہ ھمک رنگ ءِ گامگیج چست کنگ بوھگ ءَ انت، حکومت پشت کپتگیں دمگ آنی الس آناں انصاف ءِ پُجاری، روزگار، جوانیں وانگ ءُُ زانگ ءُُ جان سلامتی ءِ آسراتی ءِ پجاری ءَ را دل یکیمی کنگ ءِ واستہ جزمیگ اِنت تانکہ آئی ءَ را ملک ءِ ایندگر دمگ آنی گوما ھمگام کنگ بہ بیت۔ صدر ءَ گوشت کہ ملک نوں ایمنی ءُُ وشھالی پہ راجی مول ءُُ مراد ءِ دزگیری ءِ کشک ءَ رھادگ اِنت۔
