اسلام آباد ۔ 5 دسمبر (اے پی پی) وزیر درئی کار مخدوم شاہ محمود قریشی ءَ گوشت کہ وتی لیکہ ءَ را آزاتی ءَ گوں بیان کنگ ءِ رد ءَ رسول پاک ءِ شان ءَ بے ادبی بُن گپ ءَ کینگی گپ آنی شنگ ءُُ تالان کنگ لائک ءِ منگ نہ اَنت پاکستان ءَ ای کامرس ءِ دیمروئی ءِ واستہ فیس بک ءِ کرد لائک ءِ توسیپی اِنت، فیس بک ءَ سرجمیں دگنیا ءَ الس آنی نیام ءَ یکوئی ءِ جوانیں کرد پیلو کتگ۔ اے گپ آئی ءَ فیس بک پبلک پالیسی ءِ نائب صدر سائمن ملز ءَ گوں گپ ءُُ تران کنگ ءِ ساھت ءَ کت اَنت آئی ءَ چار شمبے ءَ ادا درئی کارانی کارگس ءَ آئی ءَ گوں گند ءُُ نند کت۔ گپ ءُُ تران ءِ ساھت ءَ کسد ءُُ کینگی چیز آنی گستا کنگ ءُُ ای کامرس ءِ دیمروئی ءَ ھوار ایندگر تک آنی سرءَ واھگ ءُُ واھشت ءِ درشان ءُُ ھیال ریچی کنگ بوت۔ وزیر ءِ درئی کار ءَ گوشت کہ پاکستنا ءَ ای تجارتی چست ءُُ ایر آنی دیمروئی ءِ واستہ فیس بک ءِ کرد لائک ءِ توسیپی اِنت۔ آئی ءَ گوشت کہ سرجمیں دگنیا ءِ الس آنی نیام ءَ رابطہ آنی تہءَ فیس بک ءِ ارزشتی ایں کرد ءِ پیلو کتگ۔ لس مردم آنی سرپدی ءِ واستہ فیس بک ءِ کرد لائک ءِ توسیپی اِنت۔ وزیر ءِ درئی کار ءَ گوشت کہ آزاتیں رنگ ءَ وتی لیکہ آنی درشان ءِ سر ءَ پکوئیں دل یکیمی دار ایت بلے مئے آزاتی ءَ گوں لیکہ ءِ درشان ءِ پڑ ءَ پاکیں رسول ءِ نام ءَ کسد ءُُ کینگی گپ لائک ءِ منگی نہ اَنت۔ فیس بک پبلک پالیسی ءِ نائب صدر سائمن ملز ءَ گوشت کہ اے منی پاکستنا ءِ اولی تر ءُُ تاب اِنت پاکستانی کارندہ آں گوں گند ءُُ نند سک باز نپ ایگ بوتگ اَنت۔
