بیلاروس ءِ سفیر اینڈرائی ارمولویچ ءَ راجی ھال رسانکی ادارگ اے پی پی ہیڈ کوارٹرز ءِ تر ءُُ تاب ءِ موہ ءَ تران

پاکستان ءُُ بیلاروس فروری 2019ءَ وت مہ وتی یکوئی ءِ بیست ءُُ پنچھمی 25سالروچ ءِ موہ ءَ دو نیمگی یکوئی آنی نوکیں دربنگیج کت کن اَنت، بیلاروس ءِ نائب وزیر ءِ درئی کار ءُُ وزیر ءِ صنعت جتا جتائیں پاکستان ءِ تر ءُُ تاب ءَ کنت اِنت
بیلاروس ءِ سفیر اینڈرائی ارمولویچ ءَ راجی ھال رسانکی ادارگ اے پی پی ہیڈ کوارٹرز ءِ تر ءُُ تاب ءِ موہ ءَ تران
’’اے پی پی گلوبل‘‘ پاکستان ءِ اولی ھال رسانکی ادارگ ءُُ ایندگر ھال رسانکی ادارگ آنی نیام ءَ پُل ءِ کرد ءَ ادا کنگ ءَ انت، منیجنگ ڈائریکٹر اے پی پی قمر اﷲ چوہدری
اسلام آباد ۔ 5 دسمبر (اے پی پی) پاک۔بیلا روس سفارتی یکوئی آنی بیست ءُُ پنچمی 25سالروچ ءَ را جوانیں ءُُ شاتیں رنگ ءَ برجم دارگ ءِ ھاترا بیلاروس اسلام آباد ءَ جتا جتائیں مراگش بست ءُُ بند کنگ بوھگ ءَ اِنت۔ اے گپ پاکستان ءَ بیلاروس ءِ سفیر اینڈ رائی ارمولویچ ءَ چار شمبے ءَ راجی ھالرسانکی ادارگ (اے پی پی) ءِ ہیڈ آفس ءِ تر ءُُ تاب ءِ ساھت ءَ کت اَنت۔ بیلاروس ءِ سفیر ءَ گوشت کہ پاکستان ءُُ بیلاروس فروری 2019ءَ وت مہ وتی یکوئی ءِ 25سالروچ ءِ موہ ءَ دو نیمگی یکوئی آنی تہ ءَ نوکیں در ءِ پچ بوھت کن اَنت۔ آئی ءَ گوشت کہ بیلاروس ءِ حکومت ءَ جتا جتائیں شوبگ آنی تہ ءَ کمک ءَ را گیش ودینگ ءِ ھاترا نوکیں موہ ءِ پٹ ءُُ پول ءَ آیوکیں سالروچی مراگش ءِ ساھت ءَ وتی ٹوھیں تک ءِ نماھندگ آنی پاکستان ءِ بازیں تر ءُُ تاب بست ءُُ بند کتگ اَنتت۔ آئی ءَ گوشت کہ بیلا روس ءِ نائب وزیر ءِ درئی کار ءُُ وزیر ءِ صنعت جتا جتائیں پاکستان ءِ تر ءُُ تاب ءَ کن اَنت ایشانی ھاترا رمس گیشینگ بوھگ ءَ اَنت۔ آئی ءَ گوشت کہ بیلاروس ءِ پولیٹیکل سائنٹسٹس آنی ڈل ھم سنٹرفار گلوبل اینڈ سٹرٹیجک سٹڈیز ءِ کمک ءَ چہ فروری ءَ اسلام آباد ءَ یک کانفرنس ءِ برجم داریت وھدیکہ بیلاروس ءِ سفارتخانہ اسلام آباد ءَ اکسی نماش ءِ برجم دار ایتت ایشی ءِ مول ءُُ مراد دوئیں ملک آنی نیام ءَ سفارتی یکوئی آناں سہرا کنگ اِنت۔ اے پی پی ءِ منیجنگ ڈائریکٹر محمد قمر اﷲ چوہدری ءِ گوما گند ءُُ نند ءَ ’’اے پی پی‘‘ ءُُ بیلاروس ءِ ھال رسانی ادارگ ’’بیلٹا‘‘ ءِ نیام ءَ ھال آنی یک ءُُ دگر ءَ دیگ ءِ شوبگ ءَ کمک آنی سر ءَ چار ءُُ تپاسی گرگ بوت۔ اے پی پی ءِ ایم ڈی ءَ بیلاروس ءِ سفیر ءَ را کساس 35میاں اوستمانی ھال رسانکی ادارگ آنی گوما ھال آنی یک ءُُ دگر ءَ دیوکائی ءِ شوبگ ءَ کمک ءِ بابت ءَ سرپد کت ایشی ءِ مول ءُُ مراد پاکستان ءِ بابت ءَ پکوئیں ھال ءُُ جوانیں پجار ءَ را سہرا کنگ اِنت۔ آئی ءَ گوشت کہ استیں نیوز پورٹل گامگیج ’’اے پی پی گلوبل‘‘ پاکستان ءِ اولی ھال رسانکی ادارگ اِنت ءُُ ایندگر ھال رسانکی ادارگ آنی نیام ءَ یک پُلے ءِ بستار ءَ پیلو کنگ ءَ اِنت ءُُ ایشرا سیادی داروکیں ملک آنی الس آنان یک ءُُ دگر ءَ نزیک آران ءَ یک سفارتی وسیلگ ءِ سسا بیت کت کنت۔ ڈائریکٹر نیوز شفیق احمد قریشی، ڈائریکٹر انفارمیشن ٹیکنالوجی غواث خان ءُُ ڈائریکٹر اکنامک نیوز سروس بلال تھہیم ھم گند ءُُ نند ءَ ساڑی اَت۔