اسلام آباد۔ 05دسمبر (اے پی پی) پاکستان تحریک انصاف نا حکومت نا کنڈان ملک انا نادار و نیزگار بندغ آتے درمان نا فراوانی کن پیش رفت اٹی ترندی بسنے، بروک آ 2آن 3 تُواٹی دونیم کروڑ بندغ ءِ صحت کارڈ انا جاری کننگ ءِ المی جوڑ کننگ کن گام گیج چست کننگ انگ ءِ ۔ وزارت جان جوڑی نا ذرائع نا رداٹ تحریک انصاف نا حکومت مچ آ ملک اٹی صحت کارڈ انا جاری کننگ نا پروگرام ءِ حتمی دروشم تسنے ولے بروک آ 2 آن 3تُو انا تہٹی بنائی وڑاٹ ملک انا نیزگار و نادار بندغ آتے دونیم کروڑ صحت کارڈ فراوان کننگک۔ ذرائع نا پاننگ ءِ کہ بنجائی دارالحکومت نا 80 درسد شاری تا ہیلتھ انشورنس رجسٹریشن کینہ ہرانارداٹ شاریک ہراکہ نجی ہسپتال مرے اوڑان شش لکھ روپئی اسکان درمان کرفنگ کیرہ۔ چک شہزاد اٹی بحرین نا کمک اٹ 10 ارب روپئی مالیت نا نرسنگ یونیورسٹی و ترامڑی ٹی سعودی عرب نا دونیم ارب نا کمک اٹ جنرل ہسپتال نا جوڑ کننگ نا ڈٹ انا بناءِ کننگ ءِ۔ ذرائع پارے کہ 700 آن زیات ڈاکٹر نا بھرتی ءِ کننگ ءُ ہراڑان مریض آتا غاو تے ٹی بھلو حد اسسکان کمتی مریک۔
