ڈٹ آن راولپنڈی و اسلام آباد نا نیام اٹ ٹریفک نا ویل آتے ایسر کننگ ا ٹ کمک، نالہ لئی نا سوب آن بروک آ جلاب ءِ توننگ مریک
اسلام آباد۔ 04دسمبر (اے پی پی) وزیراعظم عمران خان بنجائی وزیر ریلوے شیخ رشید احمد ءِ راولپنڈی ٹی لالہ لئی ایکسپریس وے اینڈ فلڈ چینل پروجیکٹ نا فوکل پرسن پن کرے۔ وزیراعظم آفس نا کنڈآن جاری نوٹیفکیشن نا رداٹ بنجائی وزیر ریلوے نا چاروکی ٹی ڈٹ انا فزیبلٹی ءِ تیار کننگک و عمل نا قابل مننگ نا دروشم اٹ وزارت ڈٹ بندی شونداری و اصلاحات و پنجاب حکومت تون اوار غٹ تعلقدار کڑدہ غاتا سلابت آن داڑآ پیش رفت کننگک۔ یات سلے کہ نالہ لئی ایکسپریس وے ڈٹ 2007 ء ٹی بناکننگاسس ہراڑا پیش رفت گڈ اٹی بروک آ حکومت آک توریسر۔ داڈٹ انا بنائی خڑچ 18 ارب روپئی ئس ہرانا رداٹ نالہ لئی نا ہڑتوم آ کنڈآتا سگنل فری روڈ جوڑ کننگک۔ داڑان راولپنڈی و اسلام آباد نا نیام اٹ ٹریفک نا ویل آتے ایسر کننگ اٹ کمک ملک و نالہ لئی نا سوب آن راولپنڈی ٹی بروک آ جلاب ءِ توننگ مریک۔
