اسلام آباد۔ 04دسمبر (اے پی پی) وزیر مملکت داخلہ شہریار آفریدی پارینے کہ چاگڑدی بدلی و دیر انا کاختی دنیا نا بھلو ویل اس جوڑ مسنے۔نن چاگڑد ءِ جوان کتون تو بہاءِ تروئی تمک، پوسکن آ پاکستان اٹی اسہ ارب آن دہ ارب درخت خلنگ انگ ءِ ، حکومت انسان تیا خڑچ کیک ہراڑان شونہالی بریک۔ او سے شنبے نادے آئی ایم سی جی ایف سیون ٹو اٹی اڈ ہلوک آ سر سبزہ و صاف اسلام آباد پروگرام نا رداٹ آئیڈیاز کمپیٹیشن نا دود آن تران کریکہ۔ داوخت آ او پارے کہ ننا ورناک لائخ ءُ و دا پک مروک ہدف آتے سرسہبی اٹ دوئی کننگ اٹ کمکار جوڑ مریرہ، اوپارے کہ ننا حکومت ملک انا شونداری و گچینی کن کاریم کننگ ءِ، بروک آ وخت شونہالی و شونداری آن ہمکنار کیک۔ اوپارے کہ داسہ وخت بسنے ہراتم نن مچ آ دنیا و چاگڑد ءِ گچین کروئی ءِ، صاف چاگڑد و صاف دیر ننا بنداوی گرج ءِ ، صفائی نصف ایمان ءِ و ننے اولیتی بنداو تیا ملک اٹی صفائی اتوئی مریک۔ وزیر مملکت داخلہ شہریار آفریدی پارے کہ ننا ورناک ننا سرمایہ و راج انا اہم اسٹیک ہولڈرز ءُ۔ چاگڑدی بدلی و دیر انا کاختی دنیا نا بھلو ویل اس جوڑ مسنو، اوپارے کہ انسانیت نا نہاد آ طاقت ور ملک آک دنیا آ مشینی اجارہ داری قائم کریر، نن بطور مسلمان تینا بنداو آن اسہ پلو مسونن، اگہ نن چاگڑد ءِ جوان کتون تو ننے اونا بہاءِ تروئی تمک۔ اوپارے کہ تحریک انصاف خیبر پختونخواٹی بلین ٹری ڈٹ بناکرے و داسہ پوسکن آپاکستان اٹی اسہ ارب آن دہ ارب درخت خلنگ انگ ءِ، اوپارے کہ مستین اٹی ہرپارٹی ملک انا جاگہ غا تینا ذات انا سجفے۔ چاگڑدی بدلی نا سوب آن ملک اٹی دسمبر اٹی ہم یخ و پِرمفننگ ءِ۔ اوپارے کہ تحریک انصاف نا حکومت انسان تے اہمیت ایتک و اواوفتیا خڑچ کیک ہراڑان ملک اٹی شونہالی بریک۔ اوپارے کہ مدرسہ غاتا چناو پدسلوک آتپہ ءِ آسراتی تا فراوانی حکومت نا زمواری ءِ، عالم دین و مفتی تے عزت تننگ نا گرج ءِ۔ شہریار آفریدی پارے کہ ہرا چناک سلاہ و سوج تسنو اوفتے وزارت داخلہ غا بٹنگ انگک۔ داوخت آ کمپیٹیشن اٹی اولیکو پوزیشن ہلوک آ روٹس اسکول ءِ 30 ہزار روپئی، ایف سیون ٹوءِ ارٹ میکو پوزیشن ہلنگ آ 20 ہزار روپئی و ہوم اکنامکس کالج ایف سیون ٹو ءِ مسٹ میکو پوزیشن آ 10 ہزار روپئی نا انعام تننگا۔ کمپیٹیشن اٹی بنجائی دارالحکومت نا اسکول و کالج آتا طالب علم آک بشخ ہلکر۔ داوخت آ چاگڑد نا بابت اسٹال ہم خلنگاسس۔ دود اٹی سیکرٹری داخلہ میجر (ر) عظیم سلمان خان ، آئی ایم سی جی ایف سیون ٹو انا پرنسپل آن بیدس طالب علم و استاد آتا بھلو کچ اس ساڑی ئسر
