دسمبر نا آخیر اسکان کوائف ءِ پورو کرسا ادائیگی کننگک، وزارت مذہبی امور
اسلام آباد۔ 04 دسمبر (اے پی پی) حج 2018 ء ٹی سعودی عرب اٹی کزیت کروک آ حاجی تا خاہوت آتے زراعانت نا ادائیگی ناپورو کوائف نا سوب ہرے نا گواچی ءِ۔ وزارت مذہبی امور نا ذرائع دابابت ’’اے پی پی‘‘ تون خصوصی ہیت کرسا پارے کہ حج 2018 ء آن مست و پد 118 پاکستانی مکہ مکرمہ و مدینہ منورہ ٹی دنیا ءِ الانو۔ حج پالیسی 2018 ء نا رداٹ حج اٹی حج مبارک اٹی کزیت کروک آ پاکستانی حاجی تا خاہوت آتے 5لکھ روپئی فی کس نا حساب اٹ زراعانت تننگ نا فیصلہ مس۔ وزارت مذہبی امور تون ہراہرافتا کوائف سرمسنے اوفتا چھان بین ءِ کننگ انگ ءِ۔ دابابت داوخت اسکان مروک آ ہرے نا بابت آن اسہ سوج اسے نا ورندی ٹی وزارت نا ذرائع نا موقف ئس کہ متوفی عازمین نا ریکارڈ اٹی زراعانت نا بابت اسٹ اسے ہم پندار ہی کننگتنے۔ وزارت دابابت کوائف یکجا کننگ کن کوشست کننگ ءِ۔ اومیت ءِ کہ مچ آ کاریم دسمبر نا آخیر اسکان پورو کرسا ایماندار تاخاہوت آتے زراعانت نا ادائیگی نا کاریم ءِ پورو کننگک۔
