گلگت۔ 04 دسمبر (اے پی پی) وزیراعلیٰ حافظ حفیظ الرحمان پارینے کہ قائد حزب اختلاف نا سرکڑدہ ہی ٹی ایوان نا اسہ کمیٹی اس ٹہیفنگے ہرا جاست وپاست کے کہ اسمبلی بلڈنگ نا جوڑ کننگ اٹی ہرے کننگ نا زموار دیر ءِ ۔ اسمبلی بلڈنگ 50 کروڑ اٹی جوڑ کروئی ئس داسہ اسہ ارب روپئی خڑچ مسنے داٹی قصور دناءِ ۔ ایم پی اے ہاسٹل اسپیکر و ڈپٹی اسپیکر ہاؤس پانزدہ سال تدینگ انگ نا باوجود نیم گڈلو انت اکن ءِ دانا زموار دیر ءِ، او پوسکن آ اسمبلی بلڈنگ اٹی مروک آ اولیکو دیوان آن تران کرسا پارے کہ داماڑی 50 کروڑ اٹی پورو مسکہ ولے ہرے کننگ نا سوب آن اسہ ارب روپئی خڑچ مس۔ اگہ دا پنجا کروڑ روپئی بچارہ تو داڑان ضلع سے ٹی اسہ جوان ءُ روڈ اس جوڑ مسکہ۔ اوپارے کہ بناٹی اسمبلی بلڈنگ ، ایم پی اے ہاسٹل اسپیکر ، ڈپٹی اسپیکر و سرونٹ کوارٹر نا چار جتا جتا ءُ پی سی ون ئسر مشرف دور اٹی اونا ٹینڈر مس ولے اسہ ٹھیکیدار اسے فائدہ تننگ نا غرض اٹ ہر چار آ پی سی ون ءِ یکجا کننگا اوپارے کہ جاچ ہلیر کہ دا بلڈنگ نا جوڑ کننگ اٹی ہرے انت اکن مس داڑآ ودکی خڑچہ انت اکن مس دانا زموار دیر ءِ اوپارے کہ قائد حزب اختلاف نا سرکڑدہ ہی ٹی قائم کمیٹی ءِ غٹ ریکارڈ آتے تننگک۔ اگہ کمیٹی ننے سفارش کیک کہ ایم پی اے ہاسٹل و اسپیکر و ڈپٹی اسپیکر نا ہنکین تے ہم پورو کروئی ءِ تو نن بروک آ شش تُو اٹی تیار کرسا حوالہ کینہ۔
