اسلام آباد ۔ 3 دسمبر (اے پی پی) وزیر مملکت برائے توکی کار شہر یار خان آفریدی ءَ گوشت کہ بحریہ انکلیو ءَ سی ڈی اے ءِ 514 کنال زمین ءِ سر ءَ کبزہ کتگ، بحریہ انکلیو ءَ انکلیو ءَ آپریشن ءِ ساھت ءَ 65کمرشل ماڑی آناں دور داتگ، سرکاری زمین آنی سر ءَ کبزہ کنگ ءُُ ریاست ءِ توک ءَ ریاست جوڑ کنگ ءِ کوشست کنوک آناں ردیں کنگ ءِ نام نوکیں پاکستان اِنت، کبزہ کنوک آنی کمک کنوک آنی ھلاپ ءَ انکوائری کنان ءَ ترندیں کاروائی کناں۔ اے ھیالانی درشانی آئی ءَ دو شمبے ءَ بحریہ انکلیو ءَ زمین ءِ کبزہ کنگ ءِ ھلاپ ءَ سی ڈی اے ءِ آپریشن ءِ موہ ءَ میڈیا ءَ گوں تران کنان ءَ کت۔ آئی ءَ گوشت کہ بحریہ انکلیو ءَ سی ڈی اے ءِ 514 کنال زمین ءِ سر ءَ کبزہ کتگ، سی ڈی اے ءَ بحریہ انکلیو ءَ را نوٹس جاڑی کتگ، نوں اے کبزہ کتگیں زمین ءِ سر ءَ جوڑ بوتگیں ماڑی آناں دور دیگ بوھگ ءَ اِنت۔ 65کمرشل ماڑی آناں پروشگ بوھگ ءَ اِنت۔ آئی ءَ گوشت کہ اولی سر ءَ گریب ءِ سرءَ کانود جنگ بوتگ ، حکومت ءِ لیکہ تچک ءُُ ساپ اِنت، ما کبزہ آناں اِچ رنگ ءَ برداشت نہ کناں۔ آئی ءَ گوشت کہ گوستگیں وھد ءَ مردم آناں موہ دیگ بوتگ کہ آ زمین کبزہ وڑے نہ وڑے ءَ بکن انت، اے رنگیں توامیں مردم آنی کاروائی کنگ بیت۔ آئی ءَ گوشت کہ مزن وزیر ءِ پنت ءُُ شون اِنت کہ بزگیں مردم آناں تنگ کنگ مہ بیت، بحریہ انکلیو ءِ زمہ واری اِنت کہ ھرچ مردم آناں زمین ءِ بھا کتگ بوتگ اَنت آواناں تاوان بار ءَ بہ دنت۔
