امریکی صدر ءَ پاکستان ءُُ امریکہ ءَ را یکجاہ بوھگ ءُُ کار کنگ ءِ موہ پٹ ءُُ پول کنگ ءُُ نوکیں شریکدار آنی ضلورت ءِ سرءَ زور
اسلام آباد ۔ 3 دسمبر (اے پی پی) امریکی صدر ڈونلڈ ٹرمپ ءَ پاکستان ءُُ امریکہ ءِ نیام ءَ یکجا بوھگ ءُُ کار کنگ ءِ موہ ءِ پٹ ءُُ پول کنگ ءُُ نوکیں شریکدار دارگ ءِ ضلورت ءِ سرءَ زور پر دیان ءَ اوگان جیڈھ ءَ را سول ءُُ تران ءِ واستہ پاکستان ءِ کمک ءِ لوٹ کتگ۔ درئی کارانی کارگس ءِ نیمگ ءَ دو شمبے ءَ امریکی صدر ءَ اے واھشت ءِ درشان مزن وزیر عمران خان ءِ نام ءَ وتی نمدی ءَ کت۔ امریکی صدر ٹرمپ ءَ گوشت کہ اوگان جیڈھ ءَ را گپ ءُُ تران ءِ سرءَ گیواری کنگ اے دُرستیں دمگی جیڈھ آنی تہءَ گیشتریں ارزشتی انت، اوگان جنگ ءَ چہ پاکستان ءُُ امریکہ دوئیں آماچ بوتگ اَنت۔ درئی کارانی کارگس ءِ بیان ءِ تہ ءَ گوشگ بوتگ کہ پاکستان ءَ مُدام اوگان جنگ ءِ ھلاسی ءِ واستہ سیاسی گیواری یے ھمبراھ داری کتگ پمشکہ اے امریکہ ءِ پیسلہ ءَ را وش اتک کنت۔ بیان ءِ تہ ءَ گوشگ بوت کہ پاکستان سرجمیں ساپ دلی ءَ گوں ھمکوپگی ءِ جزم ءِ درشان ءَ کنت، اوگان ایمنی ءُُ برجائی یکجائی زمہ واری اِنت۔
