اسلام آباد ۔ 3 دسمبر (اے پی پی) صدر مملکت ڈاکٹر عارف علوی ءَ ڈسئیبلیں مردم آناں وت مستری جوڑ کنگ ءُُ ھمکچیں موہ ءِ پُجاری ءِ جزم ءِ درشان کنان ءَ گوشت کہ ما انچیں نظام ءِ شنگ ءُُ تالان کنگ ءِ واستہ واھشت ایگ آں کہ آئی ءِ سبب ءَ ھاسیں مردم آنی ازم ءِ تہ ءَ گیش ودگی بیئت ءُُ آواناں جتا جتائیں موہ آں تاں آسودگی ءَ سر کنگ ءَ کمک پُجاری کنگ بیت۔ آئی ءَ اے گپ دو شمبے ءِ روچ ءَ ڈسئیبلیں مردم آنی درگت ءَ برجم داشتگیں روچ ءِ موہ ءَ کلوہ ءِ تہءَ گوشت اَنت۔ آئیءَ گوشت کہ اے رچ ءِ برجم دارگ ءِ موہ ءُُ مراد ڈسئیبلیں مردم آنی ھک ءِ بابت ءَ زانت ءُُ سرپدی سہرا کنگ اِنت۔ آئی ءَ گوشت کہ اے مردم ٹرانسپورٹیشن ، روزگار ءُُ وانگ ءُُ زانگ ءَ ھوار توامیں شوبگ آنی تہءَ ھمکچیں موہ پُجارینگ ءِ ضلورت اِنت، برجمیں جمہوریت ءِ برجائی، جوانیں شہری ءُُ چاگرد ءِ تہ ءَ نہ وشی ءَ را کم کنگ ءِ واستہ لس زندمان ءِ تہ ءَ بھرزوری بنیاتی ھک اِنت، گیشتریں رند ءَ ڈسئیبلیں مردم آنی ھوالگ ءَ نہ وشیں واکیہ آنی سبب ءَ ھرابیں رندپد ’’ریزلٹ‘‘ چاگرد ءَ سہرا بیت۔ آئیءَ گوشت کہ مارا توامیں کنٹگ ءُُُ ھرابیں واکیہ آناں رد کنان ءَ دُرستانی واستہ یک مُشت بوھگ ءُُ چاگرد ءَ را جوڑ کنگی اِنت۔
