اسلام آباد ۔ 03دسمبر (اے پی پی) بنجائی وزیر ریلوے شیخ رشید احمد تون کوریا نیٹ ورک اتھارٹی نا ڈل دوشنبے نادے داڑے اوڑدہی کرینے۔ اوڑدہی ٹی بنجائی وزیر شیخ رشید احمد ڈل ءِ پاکستان ریلوے ٹی بزنس وارخواہی تے مون آ تخسا زرکاری نا سلہ خلک۔ ریلوے ٹی زرکاری نا وارخواہی تا سرحال آن اڈ ہلوک آ میٹنگ اٹی بنجائی وزیر شیخ رشید احمد ڈل ءِ اپ گریڈیشن لائن ون ، ٹو اینڈ تھری ءِ ہُننگ نا سلہ خلک ہراریلوے ءِ پوسکن آ نیٹ ورک اتون گنڈنگ نا بابت آن ءِ۔ کوریا ریل نیٹ ورک اتھارٹی نا ڈل پاکستان ریلوے ٹی زرکاری و بزنس وارخواہی نا بابت دورہ غابسنے۔ کورین ڈل انا سرکڑدہ ہی ءِ سویلی کوریا نا پاکستان اٹی سفیر کرے۔ کوریا ریل نیٹ ورک اتھارٹی سویلی کوریا ٹرانسپورٹ ڈیپارٹمنٹ نا ذیلی ءُ ادارہ اسے۔ ڈل اتون ہیت وگپ کرسا بنجائی وزیر ریلوے شیخ رشید احمد پارے کہ پاکستان ریلوے غٹ ملک آتا کنڈان زرکاری کن ملوک ءِ۔ اوپارے کہ ساڑی حکومت مین لائن ون ، ٹو انا اپ گریڈیشن کن پرعزم ءِ۔ اوپارے کہ پاکستان ساؤتھ کوریا تون تعلقداری تے اہمیت ایتک ، کوریا ریل نیٹ ورک اتھارٹی و پاکستان ریلوے ہڑتوم آ کنڈآتا کمکاری کن است خواہی تخک۔
