لاہور۔ 03دسمبر (اے پی پی) بنجائی وزیر پٹرولیم و قدرتی وسیلہ غلام سرور خان پارینے کہ حکومت زیرو ریٹڈ برآمدی انڈسٹری ءِ چلیفنگ نا غرض اٹ مسہ تُو اکن 25 ارب روپئی نا سبسڈی ایتک دا صنعت آتے 16اکتوبر آن پوسکن آ گیس ٹیرف نا حساب اٹ بل بریک، وزارت پٹرولیم نا 14کمپنی تا بورڈ آف ڈائریکٹر آتے تحلیل کننگ نا فیصلہ ءِ کننگانے ہرافتیان پی ایس او، پی پی ایل ، پارکو، ایس این جی پی ایل ، جی ایچ پی ایل و اوجی ڈی سی ایل نا بورڈ آف ڈائریکٹر زناکاریم حتمی مرحلہ غاتے ٹی ءِ، پوسکن آ بورڈ آف ڈائریکٹرز نا تقرری بروک آ 100 دے اٹی پورو کننگک، حکومت فی الحال ہچ ءُ گیس معاہدہ اسے چٹفنگ اف، نیب و سپریم کورٹ ایل این جی معاہدہ نا معاملہ نا جاچ ءِ ہلنگ ءُ ، سوئی ناردرن گیس انا سالانہ 22 ارب روپئی و سوئی سدرن گیس انا 26ارب روپئی لین لاسز ءُ ، حکومت نا کوشست ءِ کہ سالانہ اسہ درسد لین لاسز کم کننگے، سوئی ناردرن گیس دُزی ٹی اوار 10 ملازم آتے نوکری تیان کشانے، ملک اٹی غٹ تنکی تا زموار ہمو بندغ آک ءُ ہرامسہ وار وزیراعظم گچین مسر ۔ او دوشنبے نادے سوئی ناردرن گیس پیپ لینز لمیٹڈ ہیڈ کوارٹرز اٹی پریس کانفرنس آن تران کریکہ۔ داوخت آ سوئی ناردرن نا منیجنگ ڈائریکٹر امجد لطیف چوہدری تون اوار ایلو آفیسر آک ہم ساڑی ئسر۔ بنجائی وزیر پارے کہ برآمداتی زیرو ریٹڈ صنعت آتے چلیفنگ حکومت نا مشن ءِ تانکہ ملکی برآمد آتے ٹی ودکی مننگ کے دامسخت کن حکومت زیرو ریٹڈ صنعت آتے مسہ تُو اکن25 ارب روپئی نا سبسڈی ایتک ، صنعت آتیان یخ آتے ٹی 16اکتوبر آن پوسکن آ گیس ٹیرف نا رداٹ بل چارج کننگک و اگہ گرج مس تو پین سبسڈی ایتنہ وخت اس کہ صنعت آتا پہیہ ءِ ہچ ءُ حالیت اسے ٹی بند مننگ کن الیپنہ، ادارہ مسہ ڈٹ تسنے ہراڑان انڈسٹری ءِ بلاتعطل گیس ایتنہ وخت اس کہ یخ آتے ٹی بلاتعطل گیس انا فراوانی برجاسلک۔ اوپارے کہ فرٹیلائزر انڈسٹری ءِ ہم مارچ اسکان پدریسہ چالو کننگ نا فیصلہ کننگانے انتئے کہ نن گیس درآمد نا متحمل مننگ کپنہ، اوپارے کہ توانائی تنکی نا سوب فیصل آباد تون اوار چندی علاقہ غاتے ٹی صنعت آک بند مسر ہراڑان ملکی برآمد آتے ٹی کمتی واقع مس۔ اوپارے کہ سوئی ناردرن نا کنڈان شیڈولڈ لوڈشیڈنگ مفک و گیس انا بلاتعطل فراوانی ءِ المی جوڑ کننگک۔ اوپارے کہ ملک اٹی گیس نرخ ءِ اسہ وڑ کننگ کن غٹ سیاسی جماعت آتا امنا مننگ المی ءِ، اوپارے کہ وزارت پٹرولیم اٹی 14کمپنی کاریم کننگ ءُ ہراٹی پنچ لسٹڈ ءُ و 9 نان لسٹڈ ءُ۔ حکومت غٹ کمپنی تا بورڈ آف ڈائریکٹر آتے تحلیل کننگ نا فیصلہ کرینے و بروک آ 100 دے اٹی 14پوسکن بورڈ آف ڈائریکٹر تعینات کننگک ہرافتے ٹی زیات تر پرائیویٹ سیکٹر، بزنس سیکٹر، گورنمنٹ سیکٹر و پروفیشنل مریرہ و صوبہ غاتے نمائندگی تننگک ہرا تینا چیئرمین ءِ تینٹ گچین کیرہ۔ اسہ سوج اسے نا ورندی ٹی اوپارے کہ آئینی ترمیم کننگ اپوزیشن و حکومت نا مینڈیٹ مریک داسکان نن داپوزیشن اٹی افن ولے ایسر اس کشنگ نا کوشست کننگ اُن۔
