اسلام آباد ۔ 3 دسمبر (اے پی پی) بُنجاھی وزیر جان سلامتی عامر محمود کیانی ءَ گوشت کہ توامیں مردم آناں جان سلامتی ءِ آسراتی ءَ را پُجارینگ حکومت ءِ اولی کار اِنت، ڈکھ ءُُ گمیگیں بنی آدم آنی ازمت مئے نیک راھی ءُُ اخلاقی پرز اِنت۔ اے گپ آئی ءَ پولی کلینک ہسپتال ءِ اناگہ ایں تر ءُُ تاب ءِ موہ ءَ کت اَنت۔ آئی ءَ نادراھ آناں داتگیں آسراتی آنی سر ءَ چار ءُُ تپاسی گپت۔ آئی ءَ پنت ءُُ شون کت کہ ایمرجنسی روم ، لیبر روم ءُُ نوک ودی بوتگیں زھگ ءِ روم ءِ تہ ءَ استیں آسراتی آناں گہتر کنگ بہ بیت، اے رد ءَ اِچ رنگیں ردیگ سگ ءُُ اوپار کنگ نہ بیت۔ آئی ءَ گوشت کہ درمان ءِ پُجاری ءَ را دل یکیمی کنگ بوھگ ءَ انت، مریز آناں آسراتی ءِ پُجاری ءِ ھاترا زوتیں رنگ ءَ گامگیج کنگ بوھگ ءَ انت۔ آئی ءَ گوشت کہ ہسپتال ءِ تہءَ سپائی ءِ نظام ءِ تہءَ گہتریں گامگیج کنگ بوھگ ءَ انت۔ آئی ءَ گوشت کہ جان سلامتی کارٹ ءَ چہ ڈھائی کروڑ مردم سیت مند بوت کن اَنت۔ آئی ءَ گوشت کہ مئے حکومت ءِ جوانیں پالیشی آنی برورد الس ءَ را رسگ بندات بوتگ۔
