اسلام آباد۔ 03دسمبر (اے پی پی) اقوام متحدہ نا جہانی ماحولیاتی کانفرنس اٹی پاکستانی ڈل انا سرکڑدہ ہی ءِ وزیراعظم نا سلاہکار موسمیاتی بدلی ملک امین اسلم کیک۔ کانفرنس اٹی پاکستان نا کنڈان ماحولیاتی بدلی نا بابت کروک آمثبت گام گیج آتے تالان کننگک۔ پاکستانی ٹیم پولینڈ نا شار کاٹو ویٹسا ٹی مروک آ سی پی او 24دیوان اٹی پاکستان نا ماحولیاتی مطابقت، کچٹی ٹی کمتی اتنگ، موسمیاتی بدلی نا بارواٹ و ارب آ درخت خلنگ نا پروگرام نا بارواٹی احوال ایتک۔ داٹی پاکستان نا کنڈان خطرناک گیس آتا پیش تمنگ اٹ کمتی نا بابت احوال تننگک۔ جہانی ماحولیاتی دیوان اٹی 180 آن زیات ملک آک بشخ ہلنگ ءُ۔ 2015ء ٹی مروک آ پیرس معاہد ہ غان پد داکانفرنس ءِ بے کچ اہم گوندنگ انگ ءِ۔
