منی بیان ءِ سرا سکھانی جوزگ ءَ را برز کنگ ءِ ردیں کوشست گمراہ کن ءُُ راستی ءِ ھلاپ انت،مہ سکھانی جوزگءِ باز عزت ءَ کنگ اوں،سکھ براتانی دیریگیں واھشت ءِ سرا مہ کرتارپور کسک پچ کنگ ءِ پیسلہ کتگ،دری کارانی وزیر شاہ محمود قریشی ءِ ٹویٹ

اسلام آباد ۔ 2 دسمبر (اے پی پی) دری کارانی بنجاہی وزیر شاہ محمود قریشی ءَ گوشت کہ سکھانی جوزگ ءِ ھوالہ ءَ گوں منی بیان ءَ گمراہ کنوکیں وڈ ءَ ءُُ مسخ کت پیش کنگ ءِ ردیں کوشست کنگ بوتگ ،مہ سکھانی جوزگ ءِ باز شرپ ءَ کنگ اوں ءُُ کجام وڈیں جیڈھ ءُُ راستی ءَ را مسخ کنگ چہ ایشی ءَ را بدل کنگ مہ بیت۔یک شمبے ءَ وتی ٹویٹر کلوھ ءِ تہ دری کارانی بنجاہی وزیر ءَ گوشت کہ سکھ براتانی دیریگیں واھشت ءِ ھاترا کرتارپور کسک پچ کنگ ءِ پیسلہ کتگ،مہ اے راج دپتری گام شریں یقین ءَ گوں چست کتگ انت ءُُ اے شریں گام ءِ دیما برگ بیت۔من وتی بیان ءِ تہ گوشت کہ بھارتی حکومت ءَ گوں دودیمی گپ ءُُ تران ءِ ھوالہ ات۔مہ سکھانی جوزگ ءَ را شرپے چماں چارگ انت۔