پشاور۔یکم دسمبر (اے پی پی)ملک ءِ صدر عارف علوی ءَ گوشت کہ این ایف سی ایوارڈءِ ردا خیبر پختونخوا ءِ تہ ضم بوتگیں فاٹا ءِ گرانٹ ءِ تہ سئے درسد گیشی کنگ بیت وھدیکہ قبائلی دمگانی خیبر پختونخوا ءِ تہ انضمام ءِ عمل ترندی ءَ گوں دیما برگ ءُُ جنوبی پنجاب صوبگ ءِ ہڈ ءِ ھاترا گامگیج چست کنگ بوھگ ات۔آں ھپتگءِ روچ ءَ گورنر ہاوس پشاورءِ تہ یک پریس کانفرنس ءَ گوں تران کنگ ات۔اے درگت ءَ گورنر خیبر پختونخوا شاہ فرمان ءُُ صوبائی وزیرھالرسانی شوکت یوسفزئی ھم آہاں گوں ہمبراہ ات۔ صدر مملکتءَ گوشت کہ ناشرکاری ءِ ھلاپ جنگ ءِ ساعت ءَ قبائلی مردماں ءُُ خیبرپختونخوا ءِ مہلوک ءَ باز تاوان زورتگ انت۔اے تاوان ءِ ازالہ ءُُ ناشرکاری ءِ اثرمند انی دوبر آبادکاری مشکل کار انت بلے اے کار مزنیں محنت ءَ گوں انجام دیئگ بوھگ انت۔آہاں گوشت کہ ’’ مارءَ قبائلی مردمانی احساس انت ءُُ آہاں گوں ہچ وتیں زوراکی کنگ ءِ اجازت دیگ مہ بیت‘‘۔آہاں گوشت کہ لیویز ءُُ خاصہ دار فورس ءِ کسے کارندہ ءَ را بیروزگار کنگ مہ بیت۔
