اسلام آباد ۔یکم دسمبر(اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ تحریک انصاف ءِ حکومت ماحولیات ءَ را ھاسیں دلگوشی دیئگ انت، ماحول ءُُ آپ حکومت ءِ ھاترا ھاس انت،شالیمار کرکٹ گراونڈ ءِ تہ چیرٹی میچ آپ ءِ ھاترا لیئب کنگ بوھگ انت۔آں ھپتگ ءَ ادا شالیمار کرکٹ گراونڈ ءِ تہ آھگ ءِ ساعت ءَ میڈیا ءِ گوما گپ ءُُ تران کنگ ات۔آہاں گوشت کہ آں وت ھم پالیمینٹیرین الیون ءِ بہر اتنت،ٹیمب ءِ تہ آہانی ابید وزراء حکومت علی زیدی، شہریار آفریدی، اسمبلی باسکاں علی اعوان، شیخ راشد شفیق، ڈپٹی سپیکر قاسم سوریءِ ھوارحامد میر، کاشف عباسی، ذیشان نقوی، عاصم رضا ءُُ محمد مالک ھوار ات وھدیکہ پی سی بی الیون ءِ تہ ذاکر خان، شعیب اختر، عمر گل، زلفی بخاری ءِ ھوار دگہ نامداریں لیبی ھوار ات۔لیئب ءِ برجم داری ھالرسانی ءِ کارگِس ءُُ مارگلہ ٹینس ءُُ کرکٹ کلب ءِ نیمگا چہ کنگ بوتگ ات۔ایشی ءِ مول ءُُ مراد مزن وزیر ءُُ چیف جسٹس ءِ دیامر،بھاشا ءُُ مہمند ڈیم ءِ ھاترا زَر مچ کنگی ات۔اے ساعت ءَ پارلیمنٹ باسکاں ءُُ ٹوھیں اینکرزءِ میاں ءَ وش کندءِ رد ھم برجاہ ات۔اے ساعت ءَ ڈپٹی سپیکر قاسم سوریءَ گوشت کہ مروچیگیں ایونٹ باز شر ءُُ زبردست انت،آں لہتیں وھد ءِ پدا کرکٹ لیئب کن انت وھدیکہ تہی کارانی وزیر مملکت شہریار آفریدی ءَ ھم ایونٹ ءَ را یک جوانیں کاوش گوشتگ ات۔
