گلگت ۔ یکم دسمبر (اے پی پی) سر وزیر گلگت بلتستان حافظ حفیظ الرحمن ءَ پروفیسر عثمان علی گورنمنٹ کالج آف ایجوکیشن ءِ اناگت ءِ تروتاب کتگ۔سر وزیر ءَ کالج ءِ نوکیں ماڑی ءِ کارءِ درمعیاری بوھگ ءِ نوٹس زوران ءَ ہمگرنچیں ٹھیکیدار ءُُ محکمہ ءِ انجینئرزءِ ھلاپ ءَ انکوائری ءُُ سکیں کارروائی ءِ حکم داتگ انت۔سر وزیر گلگت بلتستان حافظ حفیظ الرحمن ءَ سیکرٹری تعلیم ءَ را پنت دات کہ گلگت بلتستان ءِ استادانی ھیلکاری ءِ ھاترا ہڈ ادارگ باز ارزشت ءِ لائق انت۔نوکیں ماڑی ءِ کار ءَ را یک ماہ ءِ توکا سرجم کنگ بیت۔منصوبگ ءِ تہ دیر ءِ سبب جوڈ بیوکیں مردمانی ھلاپ ءَ ترندیں کارروائی کنگ بیت۔سر وزیرءَ کالج آف ایجوکیشن ءِ ماسٹر پلان یک ھپتگ ءِ تہ ساجو کنگ ءُُ سر وزیر سیکرٹریٹ ءِ تہ جم کنائینگ ءِ کڈنی داتگ۔سر وزیر ءَ تروتاب ءِ ساعت ءَ استادی حاضری چیک کتگ ءُُ سیکرٹری تعلیم ءَ را پنت ءُُ شون دات کہ بائیو میٹرک حاضری مشین یک ھپتگ ءِ تہ جنئگ بیت۔اے درگت ءَ سر وزیر گلگت بلتستان ءَ کلاسانی چار ءُُ ٹپاس کتگ ءُُ کلاسانی جاورھال ءَ را گہتر کنگ ءِ ھاترا الم ءِ سمبرینگ ءِ کار کنائینگ ءِ حکم ھم داتگ۔سر وزیر ءَ را کالج آف ایجوکیشن ءِ تروتاب ءِ درگت ءَ ادارگ ءِ جیڈھ ءُُ کارکردگی ءِ ھوالہ ءَ سرجمیں سرپدی داتگ۔
