اسلام آباد۔ 30 نومبر (اے پی پی)بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ حکومت ءُُ پاک اُرد ءِ واھشت اِنت ککہ بھارت ءِ گوما 70سال ءَ چلوکیں بیان مٹ بہ بنت، گہتریں یکوئی دوئیں ملک آنی سیت ءِ ھاترا انت، بھارتی سروکی ءُُ کلانہ ھرچ چند کہ زوت تر پھم اَنت بہ پھم اَنت کہ کشمیر ءِ واستہ گواچنی راستی وتی کنگی اِنت ، ھمینکاس زوت تر اِے جیڈھ گیوار بیت، پاک بھارت یکوئی گیوار بنت ءُُ دیم ءَ جنز اَنت، مقبوضہ کشمیر ءَ را شرنگیں دمگ ءِ بستار ءَ ناں بلکیں ایشرا بنی آدمی چماں گوں چارگی اِنت، آھودا نندوکیں کشمیری مئے بدن ءِ بھر اَنت، وھد ءِ آواناں تکلیف ءِ رسیت گڈا ما ایشرا سما کناں، پاکستان ءَ بوھوکیں بھارتی سپانسرڈ ناشرکاری ءِ مول ءُُ مراد مقبوضہ کشمیر ءِ لگت مالی ءَ را برجم دارگ اِنت، بھارت کشمیر ءَ بوھوکیں ناکامی آنی بوجھ پاکستان ءِ سر ءَ مہ لڈ ایت، آزاتی دل ءِ توک ءِ یک جوزگ اِت، دل آناں اُرد فتح کت نہ کنت ءُُ ناں کہ جوزگ آنی ریشگ آناں اُردی کاروائی ، بزاں بمب ءُُ ٹوپ ءِ سر ءَ ھلاس کنگ بوت کنت۔ کشمیر ءِ سر ءَ ھمینکیاس اُردی طاقت کارمرد بکن اِت ھمینکاس تاوان بیت، کشمیر ءِ جیڈھ ءِ گیواری ایوک ءَ سول ءُُ تران اِنتت۔ آ آدینگ ءِ روچ ءَ آل پارٹیز حریت کانفرنس آزات جموں کشمیر پاکستان چپٹر ءِ چیرد ستی ءَ ’’آل پارٹیز کشمر پارلیمنٹری گروپ ءِ کشمیر ءِ بابت ءَ رپوٹ‘‘ ءِ بُن گپ ءِ سر ءَ برجم داشتگیں سیمینار ءَ گشتانک دیگ ءَ ات.
