اسلام آباد۔ 30 نومبر (اے پی پی) مزن وزیر عمران خان ءَ گوشت کہ ڈن ءِ سرمایہ کاری ءِ گوما ٹیکنالوجی ءِ آرگ ءَ چہ راستیں دیمروئی بیت اِنت، روزگار ءِ نوکیں موہ پیداک بیت ءُُ گیش سرمایہ کاری ءَ را دلبڈی رسیت، ڈالر ءِ بروبری ءَ کلدار ءِ نیاد جھل کپگ ءِ سر ءَ ترسگ ءِ اِچ ضلورت نہ اِنت، اے وھد ءِ گوما ایڈجسٹمنٹ بیت، سرمایہ کاری ءُُ گران بھائیں مڈی ءِ آیگ ءَ چہ معاشی جاور ھال گہتر بنت ایشی ءِ پد ءَ حکومت ءِ ھاسیں دلگوشی است انت۔ آئی ءَ اے گپ آدینگ ءِ روچ ءَ جے ڈبلیو فورلینڈ کار مینوفیکچرنگ پلانٹ ءِ بنگیجی مراگش ءَ گوں گشتانک دیان ءَ کت، ایش چینی ءُُ پاکستانی کمپنی آنی وت مہ وتی یکجائی منصوبگ انت۔ مزن وزیر ءَ میاں اوستمانی نامداریں مینوفیکچرنگ کمپنی ءِ سرکایہ کاری ءَ را وش اتک کنان ءَ پاکتان ءَ سرمایہ کاری آرگ ءُُ یکجائی منصوبگ آنی بندات کنگ ءِ پد ءَ آفریدی برات آناں مبارک بات دات۔ آئی ءَ گوشت کہ آفریدی برات چہ قبائلی دمگ ءَ چہ چست بوتگ اَنت ءُُ چائنہ ءِ گوما شریداری کتگ، ایش سک باز لائک ءِ ستائی گپ ات، ھمے چیز پاکستان ءَ را دیم ءَ جنزین ایت ءُُ دیم ءَ بارت، اے 900ملین ڈالر ءِ سرمایہ کاری اِت بلے ایش ایوک ءَ سرمایہ کاری ءِ نہ اِت بلکینگ ءَ ایش سرمایہ کاری ءِ بندات ءَ چہ پنچ ھزار پاکستانی آناں نوکیری رسیت ایش آیوکیں باندات ءَ 45ہزار ءَ تاں سر بیت۔ آئی ءَ گوشت کہ پاکستان ءَ اولی رند ءَ کار مینوفیکچرنگ یونٹ جوڑ کنگ بوھگ ءَ انت، پیسر ءَ ادا ایوک ءَ اسمبلی پلانٹ بوتگ بلے نوں انجن ءَ بگر تاں توامیں بھر سرجمی ءَ گاڑی ھمدا پاکستان ءَ تیار بیت۔
