حکومت ءَ وتی اولی 100 روچ آنی تہءَ ھمساھگیں ملک آنی گوما تجارتی کساس گیش کتگ،
ملکی معیشت ءِ راستیں کشک درچتگ
اسلام آباد ۔ 30 نومبر (اے پی پی) پاکستان تحریک انصاف ءِ سروک ءُُ راجی اسمبلی ءِ باسک صداقت عباسی ءَ گوشت کہ حکومت ءَ وتی اولی 100روچ آنی تہءَ جوانیں پالیشی زوران ءَ ھمساھگیں ملک آنی گوما تجارتی کساس ءَ را گیش کتگ ءُُ ملکی معیشت ءِ راستیں کشک ءِ درچتگ۔ یک جندی ٹی وتی چینل ءَ گوں تران کنان ءَ پی ٹی آئی ءِ حکومت وتی گچین کاری منشور آنی رد ءَ سرجمی ءَ کار کنت اِنت ءُُ ملک ءَ را دیمروئی ءُُ وشھالی ءِ نیمگ ءَ تیلانک دنت۔ آئی ءَ گوشت کہ حکومت ملک ءَ چہ لٹ ءُُ پُل ءِ ھلاسی ءُُ دُزیتگیں دولت ءَ را وطن ءَ واپس کنگ ءِ جزمیگ اِنت ءُُ اے بابت ءَ جوانیں گامگیج کنگ ءَ اِنت۔ راجی اسمبلی ءِ باسک ءِ گوشگ ات کہ پی ٹی آئی ءِ حکومت سروکی ءَ اتکگ گڈا زوت پاکستان ریلوے، پی آئی اے ءُُ پاکستان سٹیل ملک ءَ ھوار توامیں راجی ادارگ آنی کرد ءَ را گہتر کنگ ءِ واستہ مھکمیں گامگیج کتگ۔ آئی ءَ گوشت کہ حکومت راجی ادارگ آنی مالی تاوان ءَ را کم کنگ ءُُ آئی ءَ را سیتئگ کنگ ءِ واستہ کوشست کنگ بوھگ ءَ اِنت۔ یک جُستے ءِ پسو ءَ آئی ءَ گوشت کہ راجی کیاسگری کارگس (نیب) یک آزاتیں ءُُ وت مستریں ادارگ اِت ایشی ءِ سرکاری چست ءُُ ایر آنی ھوالگ ءَ حکومت ءِ اِچ سروکار نیست۔
