حکومت لس مردم آنی جیڈھ ءِ گیواری ءِ دلگوش ءِ کتگ
اسلام آباد ۔ 30 نومبر (اے پی پی) ایوان ءِ سروک سینیٹر سید شبلی فراز ءَ مزن وزیر عمران خان ءِ گامگیج ءَ را ساڑات ءُُ گوشت کہ پی ٹی آئی ءِ حکومت لس مردم ءِ جیڈھ ءِ گیواری ءِ واستہ سرجمیں دلگوشی ءِ کتگ۔ یک جندی ٹی وتی چینل ءَ گوں تران کنان ءَ آئی ءَ گوشت کہ ملکی گہتری ءِ واستہ یک رند ءِ جمہوری حکومت ءَ وتارا الس ءِ دیم، ءَ پیش کتگ۔ آئی ءَ گوشت کہ اولی 100روچ آںی تہءَ حکومت ءِ کرد گہتر ءُُ شرتر انت۔ ایوان ءِ سروک ءَ گوشت کہ استیں نتیجگ آنی دزگیری ءِ واستہ پی ٹی آئی ءَ حکومت ءِ گرگ ءَ پد جان سلامتی وانگ ءُُ زانگ ءَ ھوار سیل ءُُ سواد ءُُ ایندگر شوبگ آنی گہتری ءِ سر ءَ دلگوشی کتگ۔ آئیءَ گوشت کہ پاکستان مسلم لیگ (ن) ءِ گوستگیں حکومت ءِ ناکامی ءُُ ھرابیں پالیشی آنی سبب ءَ ملک ھرابیں اقتصادی جاور آنی آماچ بوتگ بلے پی ٹی آئی ءِ استیں حکومت ءَ سروکی گپتگ گڈا ملکی معیشت ءَ را مھکم کنگ ءِ جوانیں کار کتگ تانکہ ملک دیم ءَ بہ جنز اِیت۔
