اسلام آباد۔29نومبر(اے پی پی) مزن وزیر عمران خان ءَ انوگیں حکوتءِ اولی 100 روچانی کردءُ دیمے کارانی جارجتگءُ گشتگ کہ رحمدلی، حداءِ ترس منی دلءَ ایںءُ من مدینہ ءِ ریاست ءِ وڑءَ چاگردءَ را نیزگاری ءُ نیروریں تبک ءِ جاورحال ءَ را گہتر کنگءَ دلگوش کنگءَ اَں، بنداتی 100روچاں مئے کوشست بوتگ کہ ہرچ ماڈل جوڑ بہ کن اَنت آپہ لھس مردمءَ پائدگ مند بہ بیت ، کرپشن ءَ را ہلاس کنگءَ پاکستانءَ را دیمروئی دات کن اَنتءُ نیزگاری ءَ ہلاس کت کن اَنت، نیزگاریءَ ہلاس کنگءَ یک جوانیں منصوبہ ءِ ردءَ نیزگاری کنگءِ ھاترءَ یک جوانیں گامگیجے کنگ بوہگءَ ایں ، لاہورءَ بے لوگیں ءُ کشکانی سرءَ نندوکیں مردمانی ھاترءَ ’’ پناہ گاہ‘‘ جوڑ کنگ بوہگءَ ایں، راولپنڈی ءُ کراچی ءَ ہم ہمیں وڑیں جاہ جوڑ کنگ بوہگءَ ایں ، گوست ءِ حکومتاں اے وڑیں کردءِ ہوالگءَ کدی ہم حیال نہ کتگ بوتگ ، ملکءَ یک وڑیں وانگءُ زانگءِ ھاترءَ بنجاہی وزیر شفقت محمودءِ سروکیءَ کمیٹی جوڑ کنگ بوتگ۔
