اسلام آباد۔ 29 نومبر (اے پی پی) بُنجاھی وزیر نیشنل ہیلتھ سروسز ریگولیشن اینڈ کو آرڈینیشن عامر محمود کیانی ءَ گوشت کہ پاکستان ءَ گوں ایچ آئی وی ایڈز ءِ گر ءُُ دار ءُُ گامگیج ءِ پد ءَ جزمیگ اَنت۔ یو این ایڈز ءِ ھرچی سپارش اے کانفرنس ءِ وسیلگ ءَ دیگ بنت وزارت ءِ جان سلامتی اے سپارش آنی سر ءَ کار کنگ ءِ واستہ جوانیں کرد ءَ پیلو کنت اِنت۔ اے ھیالانی درشانی آئی ءَ اقوام ءِ متحدہ ءِ ایڈز ءِ شنگ ءُُ تالانی ءُُ گر ءُُ دار ءِ ھوالگ ءَ کار کنوکیں ادارگ آنی شریکی ءَ چہ ایڈز ءِ میاں اوستمانی روچ ءِ موہ ءَ وتی ’’وتی جاھ ءَ پجاہ بیار‘‘ ءِ بُن گپ ءِ سر ءَ مراگش ءَ گوں گشتانک دیان ءَ کت۔ بُنجاھی وزیر ءَ گوشت کہ ایڈز یک ھوپ ات ایشی ءِ گر ءُُ دار ءُُ علاج ءِ واستہ آسراتی پُجاری دُرستانی زمہ واری اِنت تانکہ دارگ بہ بیت۔ اے بابت ءَ آئی ءَ یو این ایڈز ھاسیں پروگرام ءِ کنٹری ایڈوائزر فہمیدہ اقبال خان ءِ مراگش ءِ برجم دارگ ءِ کوشست ءَ را ساڑات۔ حکومت ایشی ءِ سر ءَ کار کنگ ءِ واستہ وتی جوانیں کرد ءَ پیلو کنت۔
