اسلام آباد۔ 29 نومبر (اے پی پی) غیر سرکاری تنظیم سنٹر فار پیس اینڈ ڈویلپمنٹ انیشی ایٹو(سی پی ڈی آئی) معلومداری اسکان رسینگ نا بابت خیبر پختونخوا نا کانود ءِ غٹ آن زیات و گچین و سوگو، بلوچستان نا فریڈم آف انفارمیشن ایکٹ 2005 ءِ نزور گوندسا حکومت بلوچستان آن خواست کرینے کہ او داکانود ءِ دمدستی وڑاٹ بدل کرسا اودے صوبہ خیبر پختونخوا نا وڑاٹ اسہ گچین ءُ و سوگو ءُ معلومداری اسکان رسینگ نا کانوداٹ بدل کے۔ پنچ شنبے نادے اے پی پی تون ہیت وگپ کرسا سی پی ڈی آئی نا ایگزیکٹو ڈائریکٹر عامر اعجاز پارے کہ داوخت غٹ صوبہ غاتے ٹی معلومداری اسکان رسینگ نا ہرا کانود ءِ جوڑ کننگانے اوٹی خیبر پختونخوا نا کانود غٹ آن زیات گچین و سوگو ءِ ہرا سرکاری ادارہ غاتیان معلومداری اسکان پورو رسائی ایتک ۔ اوپارے کہ بلوچستان نا فریڈم آف انفارمیشن ایکٹ 2005 ٹی بھاز انگا خامی و اڑاندآک ءُ و داکانود نا مرسا سرکاری ادارہ غاتیان پورو معلومداری نا دوئی کننگ بے حد مشکل ءِ۔ اوپارے کہ داسہ وخت اس کہ صوبہ بلوچستان اٹی پاکستان تحریک انصاف نا حکومت نا سیوتی جماعت ءِ تو اودے بایدے مرے کہ او ہندا کانود ءِ بدل کرسا خیبر پختونخوا نا وڑاٹ اسہ سوگو ءُ و گچین آ کانود ءِ بدل کرسا کے پی کے نا وڑاٹ اسہ سوگو و گچین ءُ کانود اس اتے تانکہ لس بندغ ءِ سرکاری ادارہ غاتیان معلومداری اسکان رسینگ اٹی آسانی مرے و اوڑآن گورننس اٹی ہم شفافیت بریک۔
