ملک اٹی جمہوریت نا سوگوی کن تینے جمہوری وڑاٹ منظم کننگ آ یخین تخنہ
اسلام آباد۔ 29 نومبر (اے پی پی) پاکستان تحریک انصاف نا بنجائی سیکرٹری جنرل ارشد داد پارینے کہ تحریک انصاف ملک انا اسٹ انگا منظم سیاسی جماعت ءِ ہراپارٹی دستور ءِ بنجائی اہمیت تس۔ ملک اٹی جمہوریت نا دیرپا سوگوی کن تینے جمہوری وڑاٹ منظم کننگ آیخین تخنہ۔ داخیال آتا درشانی ءِ او تحریک انصاف نا پارٹی آئین آ نظرثانی نا بابت خصوصی کمیٹی نا دیوان نا ارٹ میکو دے انا بناآ تران کرسا کرے۔ اوپارے کہ تنظیم سازی نا بابت آئین نا ساڑی آ شق آتا جاچ ءِ ہلنگ انگ ءِ، آئین نا جم اٹنگا ساخت و سلاہ ئی ترمیم آتیا ہم سجفنگ انگ ءِ۔ اوپارے کہ پارٹی تینا اساس آن اینو اسکان ارتقانا کیہی مزل آتے طے کرے، پارٹی آمبار آئین ہم ارتقاء پذیر ءِ۔ ارشد داد پارے کہ وخت انا گرج آتا رداٹ پارٹی نا تنظیم نو بے کچ اہمیت تخک۔ تنظیم نو پارٹی آئین نا پک مروک دنگ انا تہٹی سلسا ہی ممکن ءِ۔ بنجائی سیکرٹری جنرل پارے کہ آئین ءِ ہروڑاٹ جامع و راہشون دستاویز جوڑ کینہ، معیاری آئین سازی نا کمک اٹ تحریک انصاف ءِ پوسکن و ماڈل سیاسی ادارہ اس جوڑ کننگ نا تحریک ءِ ٹھوس بنداو تیا فراوان کینہ۔
