APP24-28 ISLAMABAD: November 28 - President Dr. Arif Alvi talking to Sheikh Falah Bin Jassim Bin Jabor Al-Thani member of the ruling family of the State of Qatar, who along-with a delegation called on him. Chairman Senate Muhammad Sadiq Sanjrani is also present. APP

اسلام آباد۔ 28 نومبر (اے پی پی) صدر مملکت ڈاکٹر عارف علوی تون چارشنبے نادے داڑے قطر انا حکمراں خاہوت نا باسک شیخ فلاح بن جاسم بن جابر الطہانی اوڑدہی کرے۔ صدر مملکت شرفمند آ مہمان ءِ گرم جوشی اٹ بخیر کرسا پاکستان آن اسہ لکھ افرادی قوت درآمد کننگ نا بابت امیر قطر نا فیصلہ نا ستاءِ کرے و ہڑتوم آ کنڈآتا تعلقداری تے ٹی ترندی اٹ ودکی خاص کر کراچی پورٹ و حماد پورٹ انا نیام اٹ رابطہ غاتیان پد پاکستانی برآمد آتا کچ اٹی ودکی آ است جمی نا درشانی ءِ کرے۔ قطر انا شونداری ٹی پاکستانی افرادی قوت نا کڑد ءِ تالان کرسا صدر مملکت قطری مارکیٹ نا گرج آتے پورو کننگ کن کسب کار، نیم کسب کار و غیر کسب کار پاکستانی ورکرز آتا خذمت آتا پیش کش کرے۔ اوبھرتی تا عمل اٹی شفافیت نا غرض اٹ قطری ویزہ ہندجاٹ اکن پاکستان نا گچین کننگ نا بابت آن قطر انا حکومت نا فیصلہ نا ستاءِ کرے۔ و داچرجوئی ٹی پاکستان نا کنڈان پورو کمک نا یخین دہانی کرفے۔ صدر مملکت داوخت آ امیر قطر شیخ تمیم بن حماد الطہانی ءِ پاکستان نا دورہ نا سلہ ہم خلک۔ شیخ فلاح بن جاسم بن جابر الطہانی صدر مملکت ءِ معلومدار کرے کہ قطر داسہ پاکستان آن اسہ لکھ چل ہزار ورکرز درآمد کننگ ءِ، کولاآن چلینگوک آ پورٹ قاسم پاور پلانٹ نا حوالہ ءِ ترسا اوپارے کہ 1.5 ارب ڈالر مالیت نا ڈٹ پاور چائنا و المرقاب نا نیام اٹ سی پیک اٹی اولیکو جوائنٹ ونچر ءِ۔ اوداپت انا درشانی ءِ کرے کہ گوادر پورٹ بروک آ دہ پانزدہ سال اٹی اہم علاقائی پورٹ انا وڑاٹ مون آ بریک۔ چیئرمین سینیٹ محمد صادق سنجرانی، سینیٹر نصیب اللہ بازئی و سینیٹر احمد خان ئسک ہم داوخت آ ساڑی ئسر۔

متعلقہ مضامینمصنف کی طرف سے مزید