پاک یونیورسٹی آف میڈیا سائنسز ءِ منصوبگ ءِ سرا کار گوں ترندی ءَ برجاہ انت
اسلام آباد ۔ 28 نومبر (اے پی پی) مزن وزیر عمران خان ءِ ھاسیں پنت ءُُ شون سرا بنجاہی وزیر ھالرسانی ءُُ شنگکاری فواد حسین چوہدری ءِ نگہوانی ءَ ھالرسانی کارگس ءَ مزن وزیر 100روچی ایجنڈہ ءِ ردا ریاستی میڈیا ءِ سرا بے جاریں سنسر شپ ھلاس ، پاک یونیورسٹی آف میڈیا سائنسز ءِ منصوبگءِ تیاری، اطلاعات ءِ تاں رسائی ءِ ھاترا انفارمیشن کمیشن ءِ ہڈدیگ،پی ٹی وی، ریڈیو پاکستان ءِ تہ براڈ کاسٹنگ ءِ گہتری ءُُ ادارگءِ گہتری ،اے پی پی ءَ را نوکتریں ڈجیٹل نیوز سروس ءِ تہ بدلی، ساپ ءُُ پلگاریں پالیسی ءِ وسیلگ ءَ میرٹ سرا پی آئی ڈی ءِ وسیلگ ءَ اشتہارانی جاڑی کنگ ءِ پالیسی ءِ تیاری ءُُ پی ٹی وی ءِ ایچ ڈی ءِ سرا دیم دیگ ھوار دگہ گامگیج چست کنگ بوتگ ات۔ وزارت ھالرسانی ءُُ شنگکاری ءِ واکدار ءَ’’اے پی پی‘‘ ءَ را سرپد کت کہ اَستیں حکومت ءِ اولی سد روچانی تہ بنجاہی وزیر ھالرسانی ءُُ شنگکاری چوہدری فواد حسین ءِ نگہوانی ءِ تہ اولی رند ءَ وزارت ھالرسانی ءُُ شنگکاری ءَ ریاستی میڈیا ایشی ءِ تہ پاکستان ٹیلی ویژن (پی ٹی وی)، پاکستان براڈ کاسٹنگ (ریڈیو پاکستان )، ایسوسی ایٹڈ پریس آف پاکستان(اے پی پی) ھوار انت،بے جاریں سنسر شپ ھلاس کنان ءَ اپوزیشن ءَ را ھم بروبرءِ کوریج دیگ ءَ را سدکی جوڈ کنگ بوتگ،پاکستان ٹیلی ویژن اکیڈمی، ریڈیو پاکستان اکیڈمی ءُُ انفارمیشن سروسز اکیڈمی ءَ راپج کنان ءَ پاک یونیورسٹی آف میڈیا سائنسز ءِ منصوبگ ءِ سرا تیاری ءِ سرا کار گوں ترندی ءَ برجاہ انت۔ پاک یونیورسٹی آف میڈیا سائنسز ءِ تہ دو بنجاہی تک بنت ایشی ءِ تہ یک شوبگ ماس کمیونیکیشن ءِ نودربران میڈیا ءِ نوکیں تب ءِ ھیلکاری ءِ تعلیم دیگ بیت وھدیکہ دومی شوبگ انجنیئرنگ ءِ باروا بیت پرچا کہ 1960ءِ تہ پاکستان وت ٹرانسمیٹر تیار کنوکیں ملک ات بلے ایشی ءِ پدا ایشی ءِ سرا دلگوشی دیگ مہ بوتگ، وزارت اطلاعات و نشریات انجینئرنگءِ تک ءِ تہ دوبر جدت آرگ ءِ واھشتمند انت۔پاک یونیورسٹی آف میڈیا سائنسز ءِ منصوبگ میڈیا انڈسٹری ھاترا حکومت ءِ نیمگا چہ یک ھاسیں سنگ میل انت، اے منصوبگ دات حکومت ءَ پاکستان ءِ میڈیا انڈسٹری ءِ گہتری ءِھاترا درستاں چہ مزنیں بہر مان کتگ۔ اولی رند ءَ پاکستان ٹیلی ویژن (پی ٹی وی)، پاکستان براڈ کاسٹنگ (ریڈیو پاکستان) ءِ تہ ادارہ جاتی گہترکاری دیم آرتگ ات۔ اطلاعات ءِ تاں رسائی ھاترا فیڈرل انفارمیشن کمیشن ءِ ھاترا اعظم خان ءُُ انفارمیشن کمشنرز ءِ ھاترا زاہد عبداللہ ءُُ فواد ملکءِ تقرری کنگ بوتگ۔ پی ٹی آئی حکومت ءِ اولی 100روچیں پلان ءِ ردااولی رنداھالرسانی ءِ وزیر چوہدری فواد حسین ءِ نگہوانیءِ تہ یک شفاف پالیسی ءِ ردا میرٹ ءِ سرا اشتہار انی ءِ جاڑی ءِ ھاترا پالیسی تیار کنگ بوھگ ات۔ پی آئی ڈی چہ جاڑی بیوکیں اشتہارانی تفصیلات ءَ گوں ویب سائٹ ءِ سرا اپ لوڈ کنگ بنت۔(ن۔ا۔ج)
