کرتار پور( نارووال ) 28نومبر(اے پی پی) دری کارانی وزیر شاہ محمود قریشی ءَ گشتگ کہ پاکستانءُ بھارت ءَ را سرجمیں کستءُ کینگ ءِ گیشءُ گیواریءَ سولءُ تران کنگ لوٹ ایت ، آ بے روزگاری ءُ نیزگاری ءِ ہلاس کنگءَ کار بہ کن اَنت، خطہ ءَ پہ امنءُ ایمنی ءَ کرتار پور ءِ وڑیں دگہ ہم گامگیج چست کنگ لوٹ ایت، کرتارپورراہداریءِ لوٹ بازیں وہداں چہ کنگ بوہگءَ بوتگ، ما لوٹ اتگ بلے پاک بھارت سیادی ءَ اے داشتگ بوتگ، اے مئے حکومتءِ راج دپتری گام اِت۔ چارشمبے ءِ روچءَ کرتار پور راہداری ءِ بن اِشت ایر کنگءِ مراگشءَ گوں تران کنانءَ آئی ءَ گشتگ کہ آئیءَ را اے مراگشءَ ہوار بوہگءِ سک باز وشی ایں، آ بھارت ءُ دگہ دمگاں چہ اتکگیں سکھ گہارءُ براتاں وش اَتک گشیت۔ آئیءَ گشتگ کہ اے گامگیج حکومت ءِ جوانیں پیش گام اِت۔ سرجمیں خط ءِ سرءَ اثر بنت ۔ آئیءَ گشتگ کہ پہ دوئیں ملک آں جوانیں موہ اِت کہ آ وتی کستءُ کینگءَ ہلاس کنگءَ سولءُ تران بہ کن اَنت۔
