کرتار پور، نارووال۔ 28 نومبر (اے پی پی) مزن وزیر عمران خان ءَ چار شمبے ءَ کرتار پور کشک ءِ بُن ھشت ایر کت۔ چیف آف سٹاف جنرل قمر جاوید باجوہ، گورنر پنجاب چوہدری محمد سرور، سر وزیر پنجاب سردار عثمان بزدار، بُنجاھی ءُُ صوبائی وزیر، بھارتی پنجاب ءِ صوبائی وزیر ءُُ پیسریگیں کرکٹر نجوت سنگھ سدھو، بھارتی وزیر ہرسمرت کور بادل، سکھ برات آنی مزنیں ءُُ ٹوھیں کارندہ اے موہ ءِ سر ءَ ساڑی اتنت۔ اے کشک کرتارپور نارووال ءَ گردوارہ دربار صاحب ءَ را بھارت ءِ ضلع گورداسپور ءَ ڈیرہ بابا نانک ءَ گوں ملارین ایت۔ اولی بھر ءِ تہ ءَ گردوارہ کمپلیکس ءِ جوڑیشت وھدیکہ بارڈر ٹرمینل ءِ جوڑیشت ھم اے منصوبگ ءِ اولی بھر اِنت۔ راوی کور ءِ سر ءَ پُل ءُُ سڑک ءِ وسیلگ ءَ جوانیں کشک ءِ رسیت۔ مراگش ءَ پاکستان ءِ جوڑیشت کار قائداعظم محمد علی جناح ءِ گور آنی ھوالگ ءَ بیان ءَ را ونت۔
