اسلام آباد۔28نومبر(اے پی پی) دری کارانی کارگسءِ جارچینءَ گشتگ کہ کرتارپورراہداری ءِ بنگیج یک ہاسیں ءُ راج دپتری گامگیج اِت کہ پاکستان ءُ بھارت پہ دوئیناں موہ دنت، راہداری ءِ جوڑ کنگءِ کار بابا گرونانک ءِ آؤکیں سال نومبر ءَ ودی بوہگءِ روچءَ چہ پیسر سرجم بیت۔ چارشمبےءِ روچءَ کرتارپور رہادگ بوہگ صحافی اَں گپءُ تران کنانءَ دری کارانی کارگسءِ جارچین ڈاکٹر محمد فیصل ءَ گشتگ کہ مزن وزیر عمران خان ءَ کرتارپور راہداری پچ کنگءِ گامگیج چست کتگ بھارتءِ اُلسءَ سک باز دوست کتگ۔ آہاں گشتگ کہ مرچی بازیں روژنائیں ر وچ اِت ءُ اے اقلیتاں ہوار کنگ ءُ آہاں حک دیئگءِ ہوالگءَ مزن وزیر عمران خان ءِ ہاسیں گامگیج اِت۔ آئیءَ اے اُمیت ءِ درشانی کتگ کہ اے راہداری ’’ پائدگ مند ‘‘ بیت، راہداری پچ کنگءَ چہ سکھ زیارت کنو ک پاکستانءَ وتی پاکیں ہندءُ دمگانی زیارت کت کن اَنت۔ یک جستے ءِ پسوءَ دری کارانی کارگس ءِ جارچینءَ گشتگ کہ راہداری ءِ جوڑ کنگءِ کار سکھ مذہبءِ مذہبی رھشون بابا گرونانک ءِ آؤکیں سال نومبر ءَ ودی روچءَ چہ پیسر سرجم بیت۔ جارچینءَ گشتگ کہ پاکستانءَ اسلام آباد ءُ نئی دہلی ءِ نیامءَ پہ دوری ءَ را کم کنگءَ سرجمیں المی گامگیج چست کنگءِ جزم کتگ۔
