اسلام آباد۔ 27 نومبر (اے پی پی) مزن وزیر عمران خان ءَ لائیو سٹاک سیکٹر ءِ ھوالگ ءَ جیڈھ آنی سر ءَ چار ءُُ بچار کنگ ءِ ھاترا ٹوھیں منصوبگ آنی سر ءَ پنت ءُُ شون کنان ءَ لاہور ءَ ماڈل کشت ءُُ کشاری منڈی برجا کنگ ءِ ھوالگ ءَ شور ءُُ سلاھ آنی منظوری دات۔ اے منظوری سئے شمبے ءَ مزن وزیر ءِ سروکی ءَ دیوان ءَ دیگ بوت۔ دیوان ءَ لائیو سٹاک، پولٹری، ڈیری فارم ءُُ کشت ءُُ کشاری چیز آنی ھوالگ ءَ کار آنی سر ءَ چار ءُُ تپاسی گرگ بوت۔ مزن وزیر ءَ را سرپد کنگ بوت کہ لائیوسٹاک سیکٹر ءَ ھاسیں رنگ ءَ چین ءُُ خلیجی ملک آناں گوشت ءِ ڈن ءَ روان دیگ ءِ پراھ ءُُ شاھیگانیں ازم است انت۔ ایشی ءَ ابید مزن وزیر ءَ دلوت آنی ’’دپ ءِ نادُراھی‘‘ ملک ءَ فری زونز، پولٹری ءُُ سمال ءُُ میڈیم ڈیری فارمز ءِ ھوالگ ءَ ھم بریف کنگ بوت۔ دیوان ءَ کشت ءُُ کشاری پیداوار منڈی آنی ھوالگ ءَ کار آنی سر ءَ سرجمی ءَ باست ءُُ واست بوت۔ مزن وزیر ءَ آیوکیں پنچ سال آنی ساھت ءَ 24ضلع آنی تہ ءَ 76کشت ءُُ کشاری منڈی آناں اپ گریڈیشن، انفراسٹرکچر ءِ دیمروئی، 9 منڈ آنی برجائی ءُُ 6 نوکیں منڈی آنی جوڑیشت ءِ بابت ءَ ھم بریف کنگ بوت۔ مزن ویزر ءَ لائیوسٹاک سیکٹر ءِ ھوالگ ءَ جیڈھ آنی گیوار کنگ ءِ ھوالگ ءَ جوانیں گامگیج آنی پنت ءُُ شونگ کت ءُُ لاہور ءَ ماڈل کشت ءُُ کشاری جوڑ کنگ ءِ بابت ءَ شور ءُُ سلاھ ءِ منظوری دات ایشرا رند ءَ سرجمیں ملک ءِ ایندگر بھراں تاں شنگ ءُُ تالان کنگ بیت۔
