اسلام آباد۔ 27 نومبر (اے پی پی) مزن وزیر عمران خان ءَ گوں سوزوکی موٹرز کارپوریشن ءِ یک ڈلے ءَ سئے شمبے ءِ روچ ءَ مزن وزیر سیکرٹریٹ ءَ گند ءُُ نند کت۔ مزن وزیر ءَ گوں گند ءُُ نند کنوکیں ڈل ءَ سوزوکی ءِ گلوبل چیئرمین اوسیمو سوزوکی، کن جی ساتو، ماسافومی ہرانوں، شی جیوتاکیزاوا، یوسوکی کاٹو ءُُ شفیق اے شیخ ھوار اتنت۔ پاکستان ءَ جاپان ءِ سفیر تاکاشی کورائی ھم گند ءُُ نند ءِ ساھت ءَ ساڑی اتت۔ سوزوکی موٹرز کارپوریشن ءِ ڈل ءَ مزن وزیر ءَ را سوزوکی موٹرز ءِ ملک ءَ استیں سرمایہ کاری ءُُ آیوکیں باندات ءَ سرمایہ کاری ءِ منصوبگ ءِ بابت ءَ سرپد کت۔ مزن وزیر ءَ کمپنی ءِ نیمگ ءَ سوزوکی ءِ دومی پلانٹ ءِ جوڑیشت ءِ منصوبگ ءِ بابت ءَ سرپد کت تانکہ ھمک سال یک لکھ گیش گاڑی ءِ تیاری بوت نہ کنت۔ مزن وزیر ءَ آٹو موبائل ءِ شوبگ ءَ سوزوکی موٹرز ءِ کرد ءَ را ساڑات ءُُ گوشت کہ استیں حکومت جندی شوبگ ءِ دیمروئی، سرمای کاری ءِ دیمروئی، کاروبار ءِ واستہ آسانی ، گہتری ءُُ مینو فیکچرنگ ءِ گروتھ ءِ واستہ جزمیگ اِنت۔ مزن وزیر ءَ ڈل ءَ را ملک ءَ استیں کاروباری موہ آں چہ سیت زورگ ءِ واستہ حکومت ءِ کمک ءَ را جاڑی دارگ ءِ دل یکیمی دات۔
