اسلام آباد۔ 27 نومبر (اے پی پی) مزن وزیر عمران خان ءَ گوشت کہ حکومت سرمایہ کار آناں ھمکچیں موہ ءِ پُجاری ءِ وسیلگ ءَ ملک ءَ استیں سرمایہ کاری ءَ چہ سیت زورگ ءِ ھاترا ھمک رنگ ءِ آسراتی ءِ جزمیگ اِنت۔ آئی ءَ سئے شمبے ءِ روچ ءَ اے گپ ترکی ءِ کوکا کولا کمپنی ءِ ڈل ءَ گوں تران کنان ءَ کت۔ ڈل ءَ مزن وزیر ءَ را ملک ءَ کوکا کولا ءِ 50کروڑ ڈالر ءِ استیں سرمایہ کاری ءُُ آیوکیں دو سئے سال آنی تہ ءَ 20کروڑ ڈالر مالیت ءِ منصوبگ آنی بابت ءَ سرپد کت ایشی ءَ چہ روزگار ءِ نوکیں موہ پیداک بیت، کمکاریں صنعت آناں نپ رسیت ءُُ حکومت ءَ را ٹیکس آنی وسیلگ ءَ گیش ریونیو رسیت۔ مزن وزیر ءَ ڈل ءَ را استیں حکومت ءِ سرمایہ کاری دوستیں پالیشی آں چہ سیت زورگ ءِ واستہ حکومت ءِ ھمک رنگ ءِ کمی ءِ دل یکیمی دات۔ گند ءُُ نند ءَ مزن وزیر ءَ مشیر برائے تجارت، ٹیکسٹائل، انڈسٹری ءُُ پیداوار ءُُ سرمایہ کاری عبدالرزاق داؤد ءَ ابید رضوان خان، جان گیلون، سروت یلدرم، فہد قادر حسن عدنان، فیصل ہاشمی ءُُ مراد اکرم ھم ساڑی اتنت۔
