اسلام آباد۔27نومبر(اے پی پی) پاکستان ءَ ڈھاکہ ءِ ہائی سکیورٹی زونءَ پاکستانی ہائی کمیشن ءَ دُزّی بوہگءَ بنگلہ دیش ءِ حکومتءَ گوں ترندیں زھرشانی کتگ ۔ سئے شمبے ءِ روچءَ دری کارانی کارگس ءِ جارچین ڈاکٹر محمد فیصل ءِ گشگءِ ردءَ ناشناسیں مردماں ڈھاکہ ءَ پاکستانی ہائی کمیشن ءِ قونصلر سیکشن ءَ کمپیوٹر دُزّی کتگ۔ وئیلءِ باروا بنگلہ دیشی دری کارانی وزارت ءُ پولیسءَ را زور سرپد کنگ بوتگ ءُ ایف آئی آر درج کنگ بوتگءُ سکیورٹی ءَ را گیش ترند کنگءِ گشگ بوتگ۔ جارچینءَ گشتگ کہ پاکستانی ہائی کمیشن ڈھاکہ ءِ محفوظیں دمگے ءَ ایں اِدءَ لُٹءُ پُل ءِ سرءَ سک تکانسری ودی بیت۔ جارچینءَ گشتگ کہ ما اے وئیل ءِ سرءَ اسلام آباد ءُ ڈھاکہءَ بنگلہ دیشی حکام ءَ گوں زھر شانی ریکارڈ کتگ ءُ بنگلہ دیشءِ سرءَ زور پِر داتگ کہ آ مہمان جہلءِ ارزشت ءَ پاکستان ہائی کمیشن ءِ ماڑیءَ را سرجمی ءَ سکیورٹی دیئگ بنگلہ دیشی حکومتءِ زمہ واری ایں۔ جارچینءَ گشتگ کہ بنگلہ دیشی حکام ءَ را وئیلءِ سرجمیں جستءُ پُرس ءُ پاکستانءَ ر ا معلوم دار کنگ ءِ ہوالگءَ گشتگ ایشی ءَ ابید زمہ واراناں دزگیر کنگ ءِ ہم گشتگ۔
