اسلام آباد ۔ 27 نومبر (اے پی پی) چین ءَ تچک ءَ گوشتگ کہ چین پاکستان دوستی ءَ را ھلاس کنگ ءِ کوشست اِچبر کامیات نہ بیت، راستی آں یک رند ءِ پد ءَ سہرا کتگ کہ جوانیں دوستی ءِ ریشگ چو کوھ ءِ وڑ ءَ مھکم ءُُ زّر ءِ وڑ ءَ جھلانک اَنت۔ اے گپ چینی وزارت ءِ درئی کار ءِ جارچین گین شوانگ ءَ سئے شمبے ءَ کراچی ءَ چینی قونصلیٹ ءِ سر ءَ ناشرکاری اُرش ءِ بابت ءَ یک جُستے ءِ پسو ءَ گوشت اَنت۔ جارچین ءَ گوشت کہ من گوشگ لوٹاں کہ چین پاکستان دوستی ءِ ھلاس کنگ ءِ کوشست اِچبر کامیات نہ بنت۔ جارچین ءَ گوشت کہ اے واکیہ ءِ پد ءَ چینءُُ پاکستان ءِ حکومت ءُُ دوئیں ملک ءِ الس آں پکوئیں وت مہ وتی، کمک ءُُ دوستی ءِ درشان کتگ۔ آئی ءَ گوشت کہ دوئیں ملک آنی الس یک ءِ دومی ءِ کمک کنان ءَ یک ءِ دومیگ ءِ گوما ھمکوپگ ءَ اوشتاں۔ چین ءُُ پاکستان ءِ دوستی سٹریٹجک پارٹنر اَنت۔ جارچین ءَ گوشت کہ چین اے گپ ءِ سر ءَ دل یکیم اِنت کہ پاکستان ملکی سلامتی ءُُ برجائی ءُُ پاکستان ءَ چینی شہری آنی رکھینگ ءَ را دل یکمی کنگ ءِ ازم ءَ دار یت۔ جارچین ءَ گوشت کہ چین ءِ حکومت ءَ قونصلیٹ جنرل ءِ رکھینگ ءِ واستہ زوتیں گامگیج ءُُ پیسلہ کنگ ءِ پد ءَ پاکستان ءِ شگر ءُُ منت گپت۔ ایشی ءَ ابید پاکستان ءَ بازیں چینی مردم ، چائنیز ادارگ ءُُ چین ء ءَ ھوار سرجمیں دگنیا ءَ چینی شہری آں فنڈ ریزنگ چست ءُُ ایر آنی بنگیج کتگ۔
