برسبین۔ 12جنوری (اے پی پی) پاکستان و آسٹریلیا نا کرکٹ ٹیم تا نیام اٹ پنچ ون ڈے میچ آتیا تالان سیریز نا اولیکو میچ (اینو) جمعہ آ برسبین کرکٹ گراﺅنڈ آ گوازی کننگک۔ میچ ڈے اینڈ نائٹ مریک و پاکستانی وخت انا رداٹ سہب انا ہشت بجہ ئُ بیست منٹ آ بناءکیک۔ قومی ٹیم اظہر علی نا سروکی ٹی میدان اٹی دڑنگک وخت اس کہ آسٹریلوی ٹیم نا کپتانی سٹیون سمتھ کیک۔ داکان مست پاکستان ئِ ٹیسٹ سیریز اٹی وائٹ واش تون مون تروئی تما۔ ہڑتوم آ ٹیم تا نیام اٹ سیریز نا ارٹ میکو ون ڈے 15جنوری آ میلبورن ، مسٹ میکو 19جنوری آ پرتھ، چارمیکو 22جنوری آ سڈنی وخت اس کہ پنچ میکو و آخریکو ون ڈے 26جنوری آ ایڈیلیڈ اٹی گوازی کننگک۔
