اسلام آباد۔ 27 نومبر (اے پی پی) پاکستان تحریک انصاف ءِ حکومت ءَ 100 روچی پلان ءِ چیر دستی ءَ وانگ ءُُ زانگ ءِ پالیشی فریم ورک 018 ءِ جار جتگ، بُنجاھی دارالحکومت ءِ ھد ءُُ ابیل ءَ ’’آؤ ٹ آف سکول چلڈرن‘‘ گامگیج ءِ جار جنگ بوتگ۔ سئے شمبے ءَ بُنجاھی وزیر وانگ ءُُ زانگ ءُُ کزبی ھیل کاری شفقت محمود ءَ نیشنل لائبریری ءَ برجم داشتگیں مراگش ءَ راجی وانگ ءُُ زانگی پالیشی فریم ورک ءُُ آوٹ آف اسکول چلڈرن ءِ گامگیج ءِ بندات کتگ۔ اے موہ ءِ سر ءَ پارلیمانی سیکریٹری وانگ ءُُ زانگ وجیہہ اکرم، بُنجاھی دارالحکومت ءَ گچین بوتگیں اسمبلی ءِ باسک علی اعوان ءُُ راجہ خرم نواز، سیکریٹری وزارت ءِ وانگ ءُُ ززنگ ، ارشد مرزا، بُنجاھی وزیر وانگ ءُُ زانگ ءِ ایڈوائزر رفیق طاہر، بُنجاھی زانشتی بورڈ ءِ چیئرمین ڈاکٹر اکرام علی ملک ءُُ وانگ ءُُ زانگ ءَ گوں بندوکیں جتا جتائیں ادارگ آنی سروک ءُُ ایندگر مردماں ھوار نودربر آنی مزنیں کساس ءِ ساڑی اَت۔ بُنجاھی وزیر وانگ ءُُ زانگ شفقت محمود ءَ اے موہ ءِ سر ءَ گشتانک دیان ءَ گوشت کہ اِچ ملک تاں وھد ءَ دیمروئی کت نہ کنت تاں وھد ءِ وانگ ءُُ زانگ ءَ سرمایہ کاری مہ کنت۔ دُگنیا ءَ ھما راج آں دیمروئی کتگ ھما واں وانگ ءُُ زانگ ءِ پڑ ءَ ھاسیں دلگوشی داتگ۔
