اسلام آباد ۔ 27 نومبر (اے پی پی) دھمی انٹر نیشنل دیمپانی نماش ءُُ سیمینار (آئیڈیاز) آنی ساھت ءَ جتا جتائیں ملک آنی ڈل آں چیف آف دی نیول اسٹاف ایڈمرل ظفر محمود عباسی ءَ گوں گند ءُُ نند کن انت۔ گند ءُُ نند کنوکیں جتا جتائیں ڈل آنی تہ ءَ اٹلی،اردن، ایران، تھائی لینڈ ، ترکمانستان ، سری لنکا، سوڈان، عراق ، فلپائن ، کویت، ملائیشیا، نائیجیریا ءُُ یونان ءَ چہ آیوکیں شرپ مندیں مہمان ھوار اَنت۔ آئیڈیاز2018 ءِ رد ءَ پاکستان ءَ آیوکیں جتا جتائیں ملک آنی ڈل پاک بحریہ ءِ جتا جتائیں جہاز ءُُ یونٹس آنی تر ءُُ تاب ھم کن اَنت ءُُ پاک بحریہ فیلڈ کمانڈز ءَ گوں گند ءُُ نند کن اَنت۔ دیمپانی نماش آئیڈیاز ءِ اولی روچ ءَ عراقی بحریہ ءِ سروک میجر جنرل احمد جاسم معارج، ایران ءِ چیف آف جوائنٹ اسٹاف ءُُ ڈپٹی کو آرڈینیٹربرائے اسلامی جمہوریہ ایران آرمی رئیر ایڈمرل پروفیسر حبیب اللہ سیاری، ڈائریکٹر نیول پراجیکٹ ترک نیوی رئیر ایڈمرل ایم سواز ءُُ مرات اکینچی چیف ایگزیکٹو آفیسر ایس ٹی ایم ترکی ءَ چیف آف دی نیو ل اسٹاف ایڈمرل ظفر محمود عباسی ءَ گوں گند ءُُ نند کت۔ فرسٹ ایڈمرل کموڈور روزلین بن محمد یونس ،کمانڈر لومٹ نیول بیس رائل ملائیشین نیوی ءَ ھم چیف آف دی نیول اسٹاف ءَ گوں گند ءُُ نند کت۔ اولی روچ ءِ گند ءُُ نند ءِ ساھت ءَ دیمپانی کمک، ھیل کاری شریکداری ءُُ میری ٹائم افئیرز ءِ سر ءَ ھیال ریچی کنگ بوت۔ آواں میری ٹائم سیکیورٹی ءُُ پڑ ءَ ایمنی ءِ دزگیری ءِ واستہ پاک بحریہ ءِ ریجنل میری ٹائم سیکیورٹی پیٹرول ءُُ ایندگر ملک آنی گوما دو نیمگی/ یک مشتی کمکی کوشست آنی سر ءَ چمشانک دات۔ چیف آف دی نیول اسٹاف ءِ گوما گند ءُُ نند کنوکیں شرپ مندیں مہمان آں وت مہ وتی کمک ءُُ شریکی ءِ واستہ پاک بحریہ ءِ کار آناں ساڑات ءُُ پڑ ءَ زرّئی سیم سر آنی سر ءَ ایمنی ءَ را برجم دارگ ءِ واستہ پاک بحریہ ءِ جزم ءُُ اے رد ءَ کتگیں کوشست آناں توسیپ ءُُ ستا پیش کت۔
