پاک یونیورسٹی آف میڈیا سائنسز ءِ منصوبہ ءِ تیاری ءِ سرءَ کار گشادی ءَ گوں بوہگءَ ایں
اسلام آباد۔27نومبر(اے پی پی) مزن وزیر عمران خان ءِ ہاسیں منتءُ شونءِ پدءَ حالءُ احیوالکاری ءُ شنگکاری ءِ بنجاہی وزیر چوہدری فواد حسین ءِ سرپانکی ءَ حالءُ احیوالکاریءُ شنگکاری ءِ وزارت ءَ مزن وزیر100روچی ایجنڈا ءِ ردءَ ریاستی حال ءَ را سنسر شپ ہلاس، پاک یونیورسٹی آف میڈیا سائنسز ءِ منصوبہ ءِ تیاری، پہ معلوم داری ءِ سربوہگءَ انفارمیشن کمیشن جوڑ، پی ٹی وی ، ریڈیو پاکستانءَ براڈ کاسٹنگءِ گہتری ، اے پی پی ءَ را جدید ڈیجیٹل نیوز سروس جوڑ کنگ، ساپ ءُ سلّا میرٹ ءَ پی آئی ڈی ءِ وسیلگءَ اشتہاراتءِ پالیسی ءِ تیاری ءُ پی ٹی وی ءَ را ایچ ڈی ءِ سرءَ کنگءِ کوشستاں ہوار دگہ بازیں گامگیج چست کنگ بوتگ اَنت۔ حالءُ احیوالکاری ءِ حکامءَ’’اے پی پی‘‘ ءَ را حال داتگ کہ انوگیں حکومتءِ اولی 100روچاں حالءُ احیوالکاریءِ بنجاہی وزیر چوہدری فواد حسین ءِ سرپانکی ءَ اولی رندءَ حالءُ احیوال کاری وزارتءَ ریاستی حال در پاکستان ٹیلی ویژن ( پی ٹی وی ) پاکستان براڈ کاسٹنگ(ریڈیو پاکستان) ایسوسی ایٹڈ پریس آف پاکستان( اے پی پی) ہوار اَنت ، ایشانی سرءَ غیر اعلانیہ سنسر شپ ہلاس کنگ بوتگ ءُ اپوزیشن ءَ را ہم یک وڑیں کوریج دیئگءَ را الم کتگ۔ پاک یونیورسٹی آف میڈیا سائنسز ءِ منصوبہ پہ میڈیا انڈسٹری ءَ حکومتءِ نیمگءَ چہ یک ہاسیں بن اِشتے بیت، اے منصوبہ ءِ جوڑ کنگءَ حکومتءَ پاکستانءِ حال در انڈسٹری ءِ گہتری ءَ درساں چہ مستریں بھرے داتگ۔ بنجاہی وزیر چوہدری فواد حسینءِ ذاتی ھدوکی ءِ سوبءَ بازیں سالاں چہ مھتل بوتگیں فیڈرل انفارمیشن کمیشن جوڑ کنگ بوتگ۔ معلوم داری ءَ سربوہگءَ فیڈرل انفارمیشن کمیشن اعظم خانءُ انفارمیشن کمشنرز زاہد عبداللہ ءُ فواد ملک جوڑ کنگ بوتگ اَنت۔ انفارمیشن کمیشن سرجم بوہگءَ پد نوں صحافی اَں ابید لھس مھلوک کجا م ہم ادارگ ءِ ہوالگءَ معلومداری حاصل کت کن اَنت، 10روچاں ہمگرنچیں ادارگءَ چہ معلوم داری سرنہ بوہگءَ انفارمیشن کمیشن ءَ گوں نزیکی کنگ بوت کنت، انفارمیشن کمیشنءَ را سول کورٹءِ وت واجہی گون بنت آ کجام ہم ادارگءِ افسرءَ را سمن کُت کنت، صحافی ہم انفارمیشن کمیشن ءِ وسیلگءَ معلوم داری زُرت کن اَنت ۔ پی ٹی آئی حکومتءِ 100روچی پلان ءِ ردءَ اولی رندءَ حالءُ احیوالکاری ءُ شنگکاری چوہدری فواد حسین ءِ سرپانکی ءَ یک ساپءُ سلہیں پالیسی ءِ ردءَ میرٹءِ سرءَ اشتہارات ءِ پالیسی جوڑ کنگ بوہگءَ ایں کہ پہ ایشی ءَ سرجمیں سٹیک ہولڈراَں گوں شورءُ صلا کنگ بوہگءَ ایں، پی آئی ڈی ءَ چہ جاری بوہوکیں اشتہارات ءِ سرجمیں معلوم داری تنج ءَ اپ لوڈ کنگ بنت۔
