اسلام آباد ۔ 26 نومبر(اے پی پی) وفاقی وزیر اطلاعات و نشریات چوہدری فواد حسین ءَ گوشت کہ انفارمیشن کمیشن ءِ جوڑیشت ءَ پد بُنجاھ ءَ اھوالاں تاں سر بوھگ ءَ کانود سرجم ءُُ برجم بیت، مزن وزیر عمران خان ءِ ویژن ءِ رد ءَ اھوالکار ءُُ لس ءِ واستہ کانود ءِ وسیلگ ءَ اھوال آں تاں پجگ ءِ نظام شنگ ءُُ تالان کنگ بوتگ، اھوالاں تاں پجگ ءِ کانود ساپ ءُُ سلہ ءَ گیش ءُُ کرپشن کم بیت، وسل بلورا ایکٹ زور پارلیمنٹ ءَ پیش کنگ بیت، مزن وزیر ءِ 100 روچی پلان ءِ چیر دستی ءَ وزارت ءِ اھوالکاری ءُُ شنگ کاری ءَ میڈیا یونیورسٹی آنی جوڑیشت ءِ منصوبگ، پاکستان ٹیلی ویژن، ریڈیو پاکستان ءِ نوک سر جوڑیشت ءُُ ایسو سی ایٹڈ پریس آف پاکستان (اے پی پی) ءَ را نوکیں ڈیجیٹل سروس ءِ تہ ءَ مٹی ءِ گامگیج چست کنگ بوھگ ءَ انت، مسلم لیگ (ن) ءِ حکومت ءَ کمیشن ءِ ھاترا انفارمیشن کمیشن ءِ جوڑیشت نہ کتگ، استیں حکومت ءَ اولی سد روچی پلان ءِ تہءَ جتا جتائیں شوبگ آنی تہ ءَ کار کتگ آ گوستگیں 70سال آنی ساھت ءَ ھم نہ بوتگ انت۔ آ دو شمبے ءَ سسٹین ایبل سوشل ڈویلپمنٹ آرگنائزیشن (ایس ایس ڈی او) ءِ چیر دستی ءَ فیڈرل انفارمیشن کمیشن ءِ لانچنگ ءِ مراگش ءَ گوں گشتانک دیان ات ءُُ اھوالکاراں گوں تران کنگ ءَ ات۔ فیڈرل انفارمیشن کمشنر محمد اعظم، انفارمیشن کمشنر زاہد عبداللہ، فواد ملک ءُُ ایگزیکٹو ڈائریکٹر ایس ایس ڈی او کوثر عباس ھم مراگش ءَ ساڑی اَت۔ مراگش ءَ گوں گشتانک دیان ءَ بُنجاھی وزیر اھوالکاری فواد حسین ءَ گوشت کہ وھد ءِ ما اے جست ءَ کنان کہ گوستگیں 10سال آنی ساھت ءَ بلوچستان ءِ واستہ ایر کتگیں اربانی کلدار کجا ھرچ بوتگ اَنت یا وتی سیاد ءُُ وارسانی آناں چیا سرکاری محکمہ آنی تہ ءَ ٹوھیں اگدہ داتگ گڈا اپوزیشن ابکہ بیت ءُُ تچئیت۔ آئی ءَ گوشت کہ 29نومبر ءَ مزن وزیر سدروچی پلان ءِ بابت ءَ راج ءَ را سرپد کنت اِنت، ما سد روچ ءَ ماڑی ءِ بنیات ءَ ایر کناں، نوں ایشی ءِ بنیات ءَ ماڑی ءِ جوڑیشت ءَ کناں۔ آئی ءَ گوشت کہ حکومت ءِ سیٹ ءَ نندگ ءَ پد دُرستاں چہ مستریں چیلنج وام آنی دیگ ءِ بوتگ، ما را چہ پیسر ءَ کس ءَ 25لکھ مدرسہ ءِ وانوکیں زھگ آنی بابت ءَ چرت نہ جتگ۔ گوستگیں حکومت ءَ پاکستان ءَ را وام دار کتگ، وام آنی دیگ ءَ ما گہتریں گامگیج کتگ، فیڈرل انفارمیشن کمشنر محمد اعظم ءَ گوشت کہ حکومت ءِ شگر ءُُ منت ءَ گراں کہ آواں اے زمہ واری ءِ واستہ منی گچین کتگ، کجام ھم وھد ءَ حکومت ءِ اولی 100روچ آنی تہءَ اے رنگیں گامگیج بے مٹ ءُُ بے درور ین انت۔ آئی ءَ گوشت کہ زوت فیڈرل انفارمیشن کمیشن ءِ ویب سائیٹ ءِ بنگیج کنگ بیت، الس آنی سرپد ی ءِ واستہ ھاسیں گامگیج ھم کنگ بیت۔
