اسلام آباد ۔ 26 نومبر(اے پی پی) بُنجاھی وزیر ا ھوالکاری ءُُ شنگ کاری چوہدری فواد حسین ءَ گوشت کہ حکومت مٹ بنت بلے ریاستی ادارگ مُدام ھما جاھ ءَ بنت، بلیک اینڈ وائیٹ ءَ بندات بوھوکیں پی ٹی وی دیمروئی ءِ کشک ءَ رھادگ اِنت، پی ٹی وی ءِ ایچ ڈی بوھگ ءِ کوشست جاڑی اَنت۔ آ دو شمبے ءَ پاکستان ٹیلی ویژن (پی ٹی وی نیوز) ءِ 54پنجاھ ءُُ چارمی سالروچ ءِ موہ ءِ مراگش ءَ گوں گشتانک دیان ءَ کت۔ سینیٹ ءِ قائمہ کمیٹی برائے اھوالکاری ءُُ شنگ کاری ءَ چیئرمین فیصل جاوید ،سیکرٹری اھوالکاری ءُُ شنگ کاری شفقت جلیل،ایم ڈی پی ٹی وی ارشد خان ءَ ھوار پی ٹی وی ءِ ایندگر کارندہ ھم اے موہ ءِ سر ءَ ساڑی اتنت۔ پاکستان ٹیلی ویژن نیوز ءِ 54سالروچ ءِ موہ ءَ پی ٹی وی نیوز ءِ جتا جتائیں مراگش برجم دارگ بوت ایشی ءِ تہ ءَ پی ٹی وی ءِ جتا جتائیں بھر آنی سر ءَ چار ءُُ تپاسی زورگ بوت، پی ٹی وی ءَ چہ دیمروئی زوروکیں ازمکار ھم پی ٹی وتی ءِ جتا جتائیں کامیاتی آنی سرءَ چمشانک دات، پی ٹی وی ءِ توامیں سنٹر آنی تہ ءَ پنچاھ ءُُ چارمی سالروچ ءِ موہ ءَ کیک کپ کنگ بوت۔ ایم ڈی پی ٹی وی ارشد خان ءَ گوشت کہ حکومت ءُُ وزیر ءِ اھوالکار ءِ سک باز منت وار آں آئی ءَ سیمی رند ءَ منا پی ٹی وی ءِ سروکی داتگ، جوانیں رنگ ءَ ایشی ءِ سروکی ءِ کار ءَ کناں ادارگ ءِ گہتری ءُُ دیمروئی ءَ دل یکیمی کناں۔ آئی ءَ گوشت کہ پی ٹی وی ءِ کرد کس ءِ دیم ءَ چیر نہ اِنت ، مرچی ءَ تاں سرجمیں ملک ءَ نندوکیں پاکستانی الس ءَ پاکستان ءَ را پی ٹی وی ءِ وسیلگ ءَ دیستگ۔ پی ٹی وی ءِ کسمانک آنی تہ ءَ سندھ، پنجاب ،بلوچستان ،کے پی کے ،گلگت بلتستان ءُُ آزات کشمیر ءِ کلچر ءُُ روایات آناں سہرا کنگ بیت، ھال ، لیب ءُُ گوازی، جنگ ، ایمنی ءَ ھوار ھمک موہ ءَ پی ٹی وی ءَ وتی ارزشتی ایں ءُُ بنیاتی کرد ءَ را پیلو کتگ۔ بُنجاھی وزیر شنگکاری ءُُ ھال ءُُ اھوال فواد حسین ءَ ایندگہ مہمان آنی ھمبراھی ءَ پی ٹی وی نیوز ءِ 54 پنجاھ ءُُ چارمی سالروچ ءِ کیک کپ کت، پی ٹی وی انتظامی ءُُ مُزور آں 54سالروچ ءِ موہ ءَ مبارک بات دات۔
