اسلام آباد ۔ 26 نومبر(اے پی پی) صدرمملکت ڈاکٹرعارف علوی ءَ گوشت کہ آیوکیں لس گچین کاری ءَ گیشاں گیش ساپ ءُُ سلہ، آزات کنگ ءِ رد ءَ الیکشن کمیشن ءِ کمک ءِ واستہ پارلیمان ءَ را وتی ارزشتی ایں کرد پیلو کنگی اِنت۔ صدر ءِ مملکت ءَ اے گپ دو شمبے ءَ ادا سیکرٹری الیکشن کمیشن بابر یعقوب فتح ءَ گوں گند ءُُ نند ءِ ساھت ءَ تران کت ءُُ گوشت۔ سیکرٹری الیکشن کمیشن ءَ صدرمملکت ءَ گوشت کہ گوزوکیں سال جولائی ءَ بوھوکیں لس گچین کاری آزات ءُُ ساپ ءُُ سلہ برجم دارگ بوتگ اَنت۔ صدر ءِ مملکت ءَ جوانیں کار رپک ءُُ بنی آدمی آسراتی تجروبت آناں کارمرد کنان ءَ گچین کاری ءِ برجم دارگ ءَ الیکشن کمیشن ءِ کوشست آنی توسیپ کت۔ صدر ءِ مملکت ءَ گوشت کہ جمہوریت ءَ لس گچین کاری یک مزنیں چست ءُُ ایر اِت ایش گوستگیں وھد ءَ را دیم ءَ ایر کنان ءَ گہتر بوت کن اَنت۔ سیکرٹری الیکشن کمیشن ءَ صدرمملکت ءَ را زرّ ءَ آدیم پاکستانی آناں اولی رند ءَ ووٹ دیگ ءُُ اولی تجروبت ءَ پیش آیوکیں مشکلہ آں گوں سرپدی دات۔ آئی ءَ صدر ءِ مملکت ءَ را ووٹ آناں ڈیجیٹل پجار کنگ ءِ کار ءَ را گہتر کنگ ءِ واستہ الیکشن کمیشن ءِ کوشست آنی بابت ءَ سرپد کت۔ آئی ءَ صدر ءِ مملکت ءَ را گوشت کہ الیکشن کمیشن ءَ را وتی آسراتی آناں گہتر کنگ ءِ واستہ حکومت ءِ کمک ءِ ضلورت بیت۔ صدر ءِ مملکت ءَ گوشت کہ آ الیکشن کمیشن ءِ ضلورت ءَ را سرجم کنگ ءِ واستہ حکومت ھاسیں رنگ ءَ پارلیمان ءَ گوں امیت دار ایت۔
