پاکستان ءُُ یو اے ای ءِ نیام ءَ کوھنیں مھکمیں ءُُ نزیکیں یکوئی است انت، دوئیں ملک ارزشتی ایں ءُُ میاں اوستمانی کار آنی سر ءَ یک رنگیں لیکہ دار اَنت، صدر ءِ مملکت ڈاکٹر عارف علوی
اسلام آباد ۔ 26 نومبر(اے پی پی)صدرِ مملکت ڈاکٹر عارف علوی ءَ متحدہ عرب امارات ءِ زرّئی اُرد ءِ کمانڈر ریئر ایڈمرل (پائلٹ) سعید بن حمدان بن محمد النہیان ءَ را پاکستان ءِ ٹوھیں اُردی دات ’’ہلال امتیاز ملٹری‘‘ دات۔ صدر ڈاکٹر عارف علوی ءَ آئی ءِ شرپ ءَ برجم داشتگیں ایوان ءِ شرپ ءَ پُر مڈائیں دیوان ءِ ساھت ءَ دات۔ مراگش ءَ پاک بحریہ ءِ سروک ایڈمرل ظفر محمود عباسی ءَ ھوار ٹوھیں کارندہ ھم ساڑی اَتنت۔ ایشی ءَ چہ پد ریئر ایڈمرل (پائلٹ) سعید بن حمدان بن محمد النہیان ءَ صدر ءِ مملکت ڈاکٹر عارف علوی ءَ گوں گند ءُُ نند کت۔ اے موہ ءِ سر ءَ تران کنان ءَ صدر ءِ مملکت ءَ گوشت کہ پاکستان ءُُ یو اے ای ءِ نیام ءَ مھکمیں ءُُ کوھنیں یکوئی است، دوئیں ملک ارزشتی دمگی ءُُ میاں اوستمانی کار آنی سر ءَ ھمگونگیں لیکہ دار اَنت۔ آئی ءَ اے گپ ءِ سر ءَ زور پر دات کہ دوئیں ملک آنی سلاھ بندیں اُرد آنی نیام ءَ یکجائی اُردی ایکسرسائز، دیمپانی سامان آنی آرگ ءِ تہ ءَ گیشی ءَ ھوار وت مہ وتی کمک ءِ تہ ءَ گیشی ءِ امیت ءَ دار ایت۔ پاکستان ءِ سلاھ بندیں اُرد آنی ھیل کاری ادارگ آنی تہءَ یو اے ای ءِ اُرد آنی ھیل کاری ءِ بابت ءَ گپ ءُُ تران کنان ءَ صدر ءَ گوشت کہ یو اے ای ءِ گیش نیول اپسرگ اے موہ ءَ چہ سیت زرت کن اَنت۔ ڈاکٹر عارف علوی ءَ گوشت کہ دوئیں ملک آنی نیام ءَ وت مہ وتی تجارت وتی گواچنی ازم ءَ گوں نزیک نہ اَنت۔ آئی ءَ وت مہ وتی تجارت آنی تہ ءَ گیشی ءِ کوشست ءِ سر ءَ زور پر دات۔ آئی ءَ گوشت کہ یو اے ای ءِ کاروباری مردم جتا جتائیں شوبگ ھاسیں رنگ ءَ سیل ءُُ سواد ءِ پڑ ءَ پاکستان ءَ سرمایہ کاری ءَ گیشاں گیش سیت زرت کن اَنت۔ ریئر ایڈمرل (پائلٹ) سعید بن حمدان بن محمد النہیان ءَ اُردی داد دیگ ءِ پد ءَ صدر ءِ مملکت ءُُ حکومت ءِ پاکستان ءِ شگر ءُُ منت گپت۔ آئی ءَ امیت درشان کت کہ دوئیں براتیں ملک آنی نیام ءَ سیادی آیوکیں باندات ءَ گیش دیمروئی کن اَنت۔
