نیپال ءِ ٹوھیں ھالتاک ءُُ ٹیلی ویژن ءِ ایڈیٹرز ءُُ اھوالکاراں آنی ڈل ءَ ’’اے پی پی‘‘ ھیڈ کواررٹرز ءِ تر ءُُ تاب
اسلام آباد ۔ 26 نومبر(اے پی پی) پاکستان ءِ تر ءُُ تاب ءَ آیوکیں نیپال ءَ گوں سیادی داروکیں اھوالکار آں گوشت کہ نیپال ءِ میڈیا ءَ پاکستان ءَ گوں سیادی داروکیں اھوالکاراں نیپال ءِ میڈیا ءَ را پاکستان ءَ گوں سیادی داروکیں پکوئیں ھال آنی بابت ءَ سنگینی بیت اے سبب ءَ میڈیا ءَ را بھارت ءُُ روبرکتی ھال آں نزیکی کنگ کپ ایت۔ اے گپ نیپال ءِ ٹوھیں اھوال تاک ءُُ ٹیلی ویژن ءِ ایڈیٹر ءُُ اھوالکارآنی ڈل ءَ راجی ھال رسانکی ادارگ ’’اے پی پی‘‘ ءِ ہیڈ کوارٹرز ءِ تر ءُُ تاب ءِ موہ ءَ کت اَنت۔ نیپال ءِ ایڈیٹر ءُُ اھوالکاراں یک ءِ دومیگ ملک ءِ پکوئیں ھال آں تچک ءَ رسگ ءِ ضلورت ءِ سرءَ زور پر دات۔ نیپال ءِ ڈل ءَ پریس کونسل نیپال ءِ ادارکی چیئرمین کشور شریستا، سروے ءِ پیسریگیں ڈائریکٹرجنرل ڈاکٹربدھی نرائن شریستا، جنتا ٹی وی ءِ جنرل منیجرلکشمن ہوماگین، آر ایس ایس ءِ پیسریگیں در ملکی اھوالکار شراچ چندرا بنڈھاری، نیشنل مرر ءِ چیف ایڈیٹرجاپندراراج بستا، کوئی نیوزڈاٹ کام ءِ چیف ایڈیٹر تاپتا بہادرمالا، گورکھا ایکسپریس ءِ چیف ایڈیٹرراجن کرکی، میڈیا مشن نیوزڈاٹ کام ءِ ایڈیٹرانچیف تیکناتھ نیوپانے، نیوز24 ءِ چیف سوشیل بابو آریال ءُُ کیپٹل ایف ایم ءِ پرکاش بابو پاودیل ھوار اتنت۔ نیپال ءَ میڈیا ءِ جاور ھال آنی بابت ءَ تران کنان ءَ ڈاکٹربدھی شریستا ءَ گوشت کہ نیپال فیڈریشن آف جرنلسٹس ءِ باسک آنی کساس 13 ہزار ءَ چہ گیش اِنت ایش لیکہ آنی آزاتیں درشان ءِ چاگرد ءَ اھوالکاری ءَ آسر کنگ ءَ اَنت۔ نیپال ءِ آئین ءَ میڈیا ءِ آزاتی ءِ واستہ بازیں بھر ھوار کنگ بوتگ ایشی ءِ تہءَ مالوم داری ءَ تاں پجگ ءِ ھک ھوار ا اِنت۔ جنتا ٹی وی ءِ لکشمن ہوماگین ءَ گوشت کہ نیپال ءِ میڈیا وتی جتائیں پجار ات آھودا 900 ھمروچی، 120 ٹی وی چینل ، 500 ایف ایم چینل ءُُ 100 ءِ نزیک ءَ آن لائن نیوز ویب پورٹلز انت ، نیپال ءَ جندی شوبگ ءِ گیش کار بوھگ ءِ سبب ءَ میڈیا ایوک ءَ صنعت ءِ بستار ءَ دارگ ءِ پوزین ءَ اِنت۔ آر ایس ایس ءِ پیسریگیں درملکی اھوالکار نگار شراچ چندرا بنڈھاری ءَ گوشت کہ نیپال ءِ راجی میڈیا جندی شوبگ ءِ مٹ ءَ ملکی نپ ءُُ سیت آناں دیمروئی دنت۔ ایسوسی ایٹڈ پریس آف پاکستان ءِ منیجنگ ڈائریکٹر محمد قمراللہ چوہدری ءَ نیپال ءِ ڈل ءَ را ’’اے پی پی‘‘ ءِ کار رپک ءُُ مول ءُُ مراد آنی بابت ءَ سرپد کنان ءَ گوشت کہ راستیں ءُُ پکوئیں ھال آنی شنگ ءُُ تالانی اے پی پی ءِ شرپ اِنت۔ آئی ءَ گوشت کہ انگریزی ءُُ راجی زبان اردو ءَ ابید اے پی پی ءَ چہ عربی ءُُ ھندی زبان سندھی، بلوچی، براہوئی، پشتو ءُُ سرائیکی ءَ ھم ھال شنگ ءُُ تالان کنگ ءِ کار جاڑی اِنت۔ ایشی ءَ چہ ابید چینی زبان ءَ ھال ءِ شنگ کنگ ءِ سر ءَ چار ءُُ بچار کنگ بوھگ ءَ انت۔ آئی ءَ ڈل ءَ را اے پی پی گلوبل ءِ بابت ءَ ھم سرپد کت، اے نیوز پورٹل دُگنیا ءِ 55ھال رسانکی ادارگ آنی گوما ھال آنی دیگ ءُُ زورگ ءِ نیوز پورٹل اِنت۔ آئی ءَ راجی ھال رسانکی ادارگ (اے پی پی) ءُُ نیپال ءِ راجی ھال رسانکی ادارگ آر ایس ایس ءِ نیام ءَ ھال آنی دیگ ءُُ زورگ ءِ سر ءَ منوگری ، ایشی ءِ سر ءَ پیسر ءَ چہ دست چنگل جنگ بوتگ، ایشاناں پکوئیں رنگ دیگ ءِ ضلورت ءِ سر ءَ زور پر دات۔ اے موہ ءِ سر ءَ اے پی پی ءِ ایگزیکٹوڈائریکٹر اخترمنیر، ڈائریکٹرنیوزشفیق قریشی، ڈائریکٹرویڈیونیوز بلال تھیم ءُُ ڈائریکٹرآئی ٹی غواث خان ھم ساڑی اَت۔ نیپالی میڈیا ءِ 10 باسکی ڈل اے روچاں پاکستان ءِ تر ءُُ تاب ءَ انت۔ اے تر ءُُ تاب ءِ انتظامی انسٹی ٹیوٹ آف سٹریٹجک سٹڈیز ءَ دوئیں ملک آنی وانگ ءُُ زانگ ءِ بلدکار، پٹ ءُُ پول کار، حکومتی کارندہ ءُُ سیاستدان آنی نیام ءَ رابطہ آناں گیش ودینگ ءِ واستہ کتگ اَنت۔
