اسلام آباد ۔ 25 نومبر (اے پی پی) ھالرسانی ءِ بنجاہی وزیر فواد حسین چوہدری ءَ گوشت کہ پاکستان تحریک انصاف ءِ حکومت ڈنی وامانی واترکنگ ءِ ھوار راجی معیشت ءَ را مھکم کنگ ءِ ھاترا سوبمندی ءَ گوں بند ءُُ بوج کنگ انت۔جندی ٹی وی چینل ءِ گوما گپ ءُُ تران کنان ءَ آہاں گوشت کہ مزن وزیر عمران خان ءِ درملکی تروتاب باز سوبمند بوتگ ات ایشی چہ معیشت مھکم کنگ ءَ کمک رسیت۔آہاں گوشت کہ دراھیں ادارگ ءَ را سٹریجک ری تھنکنگ ءِ ضلورت انت۔آہاں گوشت کہ حکومت دراھیں ادارگہاں را مھکم کنگ ءِ کوشست کنگ انت۔سیاست ءِ تہ ہچ گڈی لبز نیست ات ءُُ جاور ردا حکومت وتی پیسلہ ءَ نظرثانی کنگ انت۔آہاں گوشت کہ نوکیں پاکستان ہاوسنگ سکیم ءُُ پبلک سروس ریفارمز پروگرام وتی گڈی بہر ءَ انت‘ پاکستان تحریک انصاف ءِ حکومت ءَ بنداتی 100 روچانی تہ باز گہتر ءِ گام چست کتگ ات۔بنجاہی وزیر ءَ گوشت کہ پاکستان ءُُ سعودی عرب براتیں سیادی چہ پائدگ ءَ چست کنگ انتءُُ یک دومیگ ءَ را ارزشت دیگ انت۔ چوہدری فواد حسین ءَ گوشت کہ چین ءَ گوں کتگیں دراھیں منوگرپاکستان ءِ نپ ءُُ پائدگ ءُُ پاکستان تحریک انصاف ءِ منشور ءِ ردا انت۔آہاں گوشت کہ مزن وزیر عمران خان پاکستان ءِ راج ءَ گوں باز مخلص انت ءُُ سرکاری کلدار ءِ شریں وڈ ءَ کارمرز کنگ انت۔آہاں گوشت کہ مزن وزیر ءُُ گورنر ہاوسز ءِ ھرچ ءَ باز کمی اتکگ انت۔ اعظم سواتی کیس ءِ باروا یک جستے پسو ءَ آہاں گوشت کہ حکومت سپریم کورٹ ءِ پیسلہ ءَ را منگ انت ءُُ ایشی ءِ سرا عمل کن ایت۔آہاں گوشت کہ اپوزیشن حکومت ءَ را یکشلہ کچہ چینی ءِ نشانگ جوڈ کنگ انت بلے کسے کرپٹ ءَ را یلہ دیگ مہ بیت۔آہاں گیش گوشت کہ اپوزیشن ایوکا ھسابداد چہ رکھگ ءِ ھاترا شور ءَ کنگ انت ۔یک جستے پسو ءَ آہان گوشت کہ جہانگیر خان ترین ءَ وتی دراھیں مڈی ءُُ ملکیت پدر کتگ ات ءُُ انکم ٹیکس ءِ تہ مزنیں کچ ءَ زر جم کتگ ات۔
