ہنگو۔25 نومبر(اے پی پی)تہی کارانی وزیرمملکت شہریارخان آفریدیءَ گوشت کہ ملک دژمن کلایہ وڈیں اپسوز ناک وئیل چہ ملک ءَ عدم گہبودی پیدا کنگ ءَ بے سوب کوشست ءَ کنگ ات ءُُ ملک دژمنانی مقابلہ کنان ءَ آہانی ردیں عزائم ءَ ھاک ءَ مان کنگ ءَ پہ دراھیں راج یکجاھ ءُُ یک توار انت۔اے ھیالانی درشان آہان اورکزئی کلایہ تراک ءِ تہ بیران بوتگیں مردمانی ھاندان ءَ گوں دلپدردی ءِ درشان کنگ ءِ ساعت ءَ اھوالکاراں گوں گپ ءُُ تران کنان ءَ کتگ ات۔تہی کارانی مملکتی وزیر شہریار آفریدی ءَ وتی تروتاب ءِ تہ سیکٹر کمانڈر غلجو اورکزئی،اورکزئی سکاؤٹس ءِ کمانڈنٹ،ڈپٹی کمشنر اورکزئی ءُُ دگہ واکدارءَ گوں وئیل ءِ جاھ ءِ دیستگ ءُُ چار ءُُ تپاس کتگءُُ کلایہ دربار ءِ تہ وئیل ءِ شہیدانی ھاندان ءِ گوما دلپدردی ءِ درشان کنان فاتحہ ونتگ۔آہاں واکیہ ءِ تہ شہیدانی ھاترا کمکی پیکج ءِ ردا ہمک مردم ءَ را 10،10لکھ،سکیں ٹپیگ ءَ را 5,5لکھ وھدیکہ نارمل ٹپیگ ءَ را یک یک لکھ کلدار ءِ کمکی پیکج دیگ ءِ سدکی داتگ۔
