ایبٹ آباد۔ 25 نومبر (اے پی پی)سر وزیر خیبرپختونخوا محمود خانءَ گوشت کہ سیاسی محالفین ءِ بے بُنیں پروپیگنڈہ ءِ ابید تحریک انصافءِ صوبائی حکومت گریب مہلوک ءِ ھاترا بدلی ءِ نیمگا روگ انت‘ صوبہ ءِ دیہی دمگاں پسماندگی ھلاس کنگ ءِ ھاترا جامع منصوبگ بندی کنگ بوھگ انت ‘ ہزارہ ءِ ھوار دراھیں ڈویژن آنی جیڈھءَ را حل کنگ بوھگ انت۔صوبائی حکومت ءِ 100روچ ءِ کارکردگی مہلوک ءِ دیما آرگ بیت،بدلی ءِ ثمرزوت مہلوک ءِ دیما بنت۔آں یک شمبے ءَ ایبٹ آباد ءِ تہ پیپلز پارٹیءِ سروک ءُُ پیسریگیں صوبائی وزیر سید احمد شاہ ءِ تحریک انصاف ءِ تہ ھوار بوھگ ءِ موہ ءَ برجمیں اُلسی مچی ءَ گوں گوشتانگ دیگ ات۔اے ساعت ءَ سینیٹر اعظم خان سواتی،سپیکر خیبرپختونخوا اسمبلی مشتاق احمد غنی،صوبائی وزیرخوراک قلندرخان لودھی،صوبائی وزیرھالرسانی شوکت یوسفزئی ،صوبائی وزیرمواصلات اکبر ایوب خان،باسک بنجاہی اسمبلی عظمیٰ ریاض جدون ،صوبائی اسمبلی ءِ باسکاں ملیحہ علی اصغر،مومنہ باسط ءُُ نرگس علی ھم آہاں گوں ھوار ات۔ایشی ءَ چہ پیسر ءَ پیسریگیں صوبائی وزیر سید احمد شاہ ءَ تحریک انصاف ءِ تہ تچکی ءَ ھوار بوھگ ءِ جار جتگ۔
