اسلام آباد ۔ 25 نومبر (اے پی پی) دری کارانی بنجاہی وزیر شاہ محمود قریشی ءَ کرتارپور کوریڈورپچ کنگ ءِ بنداتی مراگش ءِ دو وزیرءَ را دیم دیگ ءِ بھارتی پیسلہ ءِ ھیرمقدم کنان ءَ ایشی ءَ را پاکستانی گامگیج ءِ پسو ءَ شریں عمل قرار داتگ۔دری کارانی وزیر شاہ محمود قریشی ءَ یک شمبے ءَ ادا دری کارگس ءِ تہ پاکستان فارن آفس وویمنز ایسوسی ایشن ءِ چیریٹی بازار ءِ تروتاب ءِ ساعت ءَ ’’اے پی پی‘‘ ءِ گوما ھاسیں گپ ءُُ تران کنان ءَ گوشت کہ سکھ کمیونٹی ءَ را نزیک آرگ ءِ پاکستانی گامانی بھارت ءَ شریں پسو داتگ انت۔پدر بہ بیت کہ بھارتی دری کارانی وزیر سشما سوراجءَ دری کارانی وزیر شاہ محمود قریشی ءِ نبشتانک ءِ پسو ءَ 28نومبر ءَ کرتار پور کوریڈور ءِ بنداتی مراگش ءِ تہ دوبھارتی وزیرہرسمرت کور بادل ءُُ ہردیپ سنگھ پوری ءَ را دیم دیگ ءِ پدرائی کتگ۔ایشی ءَ چہ پیسر ءَ چیریٹی بازار ءِ موہ ءَ پاکستان ءِ تہ بھارت ءِ ہائی کمشنر اجے بساریہ ءَ دری کارانی وزیر شاہ محمود قریشی ءِ گوما گند ءُُ نند کتگ۔دری کارانی وزیر ءَ چیریٹی بازار ءِ تروتاب ءِ ساعت ءَ چین، ترکی، جاپان ءُُ نیامی ایشیائی ملکانی نیمگا چہ جتگیں سٹال ءِ تروتاب ھم کتگ۔
